राजनीतिक बिशेष
सुशील सभापति हुँदा भाँडभैलो मच्चाएका थिए देउवाले, सार्वजनिक ठाउँमै ‘अपशब्द’ समेत प्रयोग गर्थे
सुशील सभापति हुँदा भाँडभैलो मच्चाएका थिए देउवाले, सार्वजनिक ठाउँमै ‘अपशब्द’ समेत प्रयोग गर्थे
काठमाडौं - सुशील कोइराला नेपाली कांग्रेसको सभापति भइञ्जेल वर्तमान सभापति शेरबहादुर देउवासँग उनको सम्बन्ध कहिल्यै हार्दिक हुन सकेन ।
झन्डै साढे चार वर्ष पार्टी सभापतिका रूपमा बिताएका सुशीलले देउवाकै कारण पार्टीलाई राम्रोसँग चलाउन सकेनन् ।
दुई नेताबीचको भागबन्डाले पार्टी संगठन लथालिंग बनेको थियो । सुशील ०६७ असोजमा भएको १२औँ महाधिवेशनबाट सभापति चुनिएका थिए ।
तर, देउवासँग भागबन्डा गरेर मात्र अघि बढ्नुपर्ने अवस्था उनलाई सधैँ आइलाग्यो । देउवालाई चित्त बुझाएपछि पार्टीमा सबै विवाद मिल्छ भन्ने सोच त्यसबेला देखिएको थियो ।
कोठामा बसेर गरिने निर्णयलाई पार्टीको संस्थागत धारणा भन्दै लाद्न गरिन्थ्यो । त्यसबेला पनि वर्तमान महामन्त्री गगन थापाले आफ्ना असन्तुष्टि सार्वजनिक रूपमै व्यक्त गर्ने गर्थे ।
०६९ चैत २६–२९ मा नवलपरासीमा बसेको महासमिति बैठकले एक महिनाभित्र सबै केन्द्रीय विभाग गठन गर्ने निर्णय गर्यो ।
कोइरालाले भने त्यसको तीन महिनापछि ०७० जेठको पहिलो साता मात्र ४२ विभाग र १४ अञ्चल संयोजक तोके । एकलौटी संयोजक तोकेको भन्दै वरिष्ठ नेता देउवा पक्षका १६ जनाले सामूहिक राजीनामा दिए ।
१२ विभाग र चार अञ्चल संयोजकले निर्णय नसच्याएसम्म काम नगर्ने भन्दै राजीनामा दिएपछि विभागका समितिसमेत बनेनन् । यसरी त्यसबेला देउवाले सुशीललाई असहयोग गर्दै आएका थिए ।
कतिसम्म भने पार्टी सभापति सुशीललाई देउवाले सार्वजनिक ठाउँमै तथानाम गाली गर्थे । पार्टीलाई राम्रोसँग सञ्चालन गर्न पनि नदिने, अनि एकलौटी ढंगले हिँड्न खोजेको भन्दै ट्रयापमा पारिन्थ्यो ।
एकपटक त देउवाले सुशीललाई रिसको झोकमा ‘बहुला’ समेत भनेका थिए । त्यो विषयले कांग्रेसमा निकै तिक्तता उत्पन्न गरेको थियो । आफूले भनेअनुसार सुशील नचलेको भन्दै देउवाले केन्द्रीय सदस्यसमेतबाट राजीनामा दिएका थिए ।
जुन राजीनामा लिएर अहिलेका प्रचार विभाग प्रमुख मिन विश्वकर्मा सभापति सुशील कोइरालाकहाँ पुगेका थिए । अहिले यिनै विश्वकर्मा नीति र नेतृत्वको आलोचना नगर्न भन्दै प्रचार विभागबाट निर्णय गराउन लागिपरेका छन् ।
विश्वकर्मा एमालेमा राजनीति गर्दागर्दै कांग्रेस प्रवेश गरेका हुन् । अधिवक्तासमेत रहेका उनले देउवालाई प्रभाव पारी सधैं अवसर बटुल्ने गरेका छन् ।
देउवाकै कृपाले दलित संघको अध्यक्षसमेत बनेका विश्वकर्माकै कारण संघमा फुट आएको थियो । धेरै सम्भावना भएका युवा नेताले कांग्रेस छाडेका थिए ।
आफ्नालाई महत्वपूर्ण ठाउँमा नियुक्ति दिलाउने, इतर पक्षलाई पेल्ने विश्वकर्माको शैली आजपर्यन्त कायमै छ । देउवा अहिलेसम्म पाँचपटक प्रधानमन्त्री बनिसकेका छन् ।
अझै एकचोटि प्रधानमन्त्री बन्ने दाउमा छन् । एकचोटि वर्तमान राष्ट्रपति रामचन्द्र पौडेल कांग्रेसको संसदीय दलको नेता निर्वाचित भएका थिए ।
कांग्रेसमा दलको नेता प्रधानमन्त्री बन्ने परम्परा छ । तर पौडेल प्रधानमन्त्री बन्न सकेनन् । हङ पार्लियामेन्ट भएका बेला पौडेल १७ पटकसम्म प्रधानमन्त्रीको उम्मेदवार बने ।
तर प्रधानमन्त्री बन्न सकेनन् । त्यसबेला देउवाले बहुमतको प्रधानमन्त्री बन्न चाहेका थिए । तर अंक ल्याउनैपर्ने भएपछि उनले पौडेललाई अघि सारे ।
कांग्रेसको इतिहासमा दलको नेता प्रधानमन्त्री नभएका पौडेल मात्र हुन् । अहिले देउवा दोस्रो कार्यकाल सभापतिका रूपमा छन् । तर उनलाई इतर पक्षले त्यस्तो पेलेको छैन ।
सार्वजनिक रूपमा हुर्मत पनि लिएको छैन । जुन व्यवहार देउवाले सुशील कोइराला सभापति हुँदा देखाउँथे, अहिलेका युवा नेताहरूले एक प्रतिशतसम्म नदेखाएको नेताहरू नै बताउँछन् ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४