सात प्रदेशसहित आठवटै सरकारबाट हात धुनु परेपछि आत्तियो एमाले, देउवालाई ओलीको यस्तो प्रस्ताव
सात प्रदेशसहित आठवटै सरकारबाट हात धुनु परेपछि आत्तियो एमाले, देउवालाई ओलीको यस्तो प्रस्ताव
काठमाडौं - एमालेमा सत्ताको छटपटी देखिन थालेको छ । संघीय सरकार हुँदै सातवटै प्रदेश सरकार गुमाउनुपरेपछि यस्तो छटपटी देखिएको हो ।
एउटा बचेको कोसी प्रदेशमा पनि आफ्नो सरकार ढलेपछि अहिले एमाले अध्यक्ष केपी ओली चिन्तामा परेका छन् ।
गत पुसमा माओवादीलाई कांग्रेससँगको गठबन्धनबाट टुटाएर आफ्नै सहयोगमा प्रधानमन्त्रीको जिम्मेवारी सुम्पिएको एमाले संवैधानिक तहबाट पनि बाहिरिने अवस्था आउन लागेपछि अझै अत्तालिएको छ ।
गत पुस १० गते नयाँ समीकरणका साथ माओवादीका अध्यक्ष पुष्पकमल दाहाल प्रचण्डलाई प्रधानमन्त्री बनाएका एमालेका अध्यक्ष ओली प्रचण्डबाट धोका पाएपछि अहिले कांग्रेसलाई नै प्रधानमन्त्रीको प्रस्ताव गर्ने तहमा पुगेको बताइन्छ ।
तर औपचारिक रूपमा बाहिर आउन सकेको छैन । कांग्रेस र एमालेको सहकार्य हुने विषयमा केही दिनयता एमालेका नेताहरूले बारम्बार अभिव्यक्ति दिइरहका छन् ।
उनीहरूले वर्तमान सरकारप्रति असन्तुष्टि प्रकट गर्दै कांग्रेस र एमालेको सहकार्यमा जोड दिँदै आएका छन् । मुलुकका दुई ठूला दल मिलेर सरकार बनाउँदा अन्य बिचौलिया दलहरूलाई बाहिर राख्न सकिने भन्दै कांग्रेसलाई अघि सारेर सरकारमा जाने एमालेको दाउ छ ।
ओलीले सत्ता राजनीतिका माहिर खेलाडी कांग्रेसका सभापति शेरबहादुर देउवालाई प्रधानमन्त्रीमा सहयोग गर्ने बचन दिइसकेको बताइन्छ । तीन दिनअघि ओलीले देउवालाई फोन गर्दै कोसी प्रदेशमा मिलेर सरकार बनाउन प्रस्ताव गरेका थिए ।
तर देउवाले तत्काल असम्भव भएको जवाफ दिएको बुझिएको छ । कोसीमा आफ्नो पार्टीको सरकार बनाउन सके केन्द्रमा पनि हात हाल्ने एमालेको दाउ छ ।
प्रधानमन्त्री प्रचण्डको कार्यशैलीप्रति पनि कांग्रेस सभापति देउवा सन्तुष्ट छैनन् । पछिल्लो समय गृहमन्त्री नारायणकाजी श्रेष्ठले छानीछानी कांग्रेस नेतालाई टार्गेट बनाएर बदनाम गराउन थालेको भन्दै देउवाले असन्तुष्टि जनाइसकेका छन् ।
त्यसको सुइँको पाएका ओलीले देउवालाई सत्ता सहकार्यका लागि प्रस्ताव गरेको नेताहरू बताउँछन् ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४