काठमाडौं - उपनिर्वाचनको नतिजाले हौसिएको राष्ट्रिय स्वतन्त्र पार्टी सकारमा जान हतारिएको छ ।

उपनिर्वाचन जितेलगत्तै रास्वपा सभापति रवि लामिछानेले सरकारलाई दिएको समर्थन फिर्ता लिने घोषणा गरेका थिए । सोही पार्टीका सांसद स्वर्णिम वाग्लेले पनि भ्रष्ट सरकारलाई समर्थन गरिरहनु आवश्यक नरहेको जनाएका थिए ।

तर अहिले एक सातामै रावस्पा सरकारमा जाने मनस्थितिमा पुगिसकेको छ । रास्वपाका अधिकांश केन्द्रीय सदस्यले सरकारमा जाँदा उत्कृष्ट कार्यसम्पादन गरेर जनताको मन जित्न सकिने धारणा राखेका छन् ।

तर, त्यसका लागि सरकारको स्थिरता र मन्त्रालय सञ्चालनको स्वायत्तता चाहिने उनीहरूको भनाइ छ । प्रधानमन्त्री पुष्पकमल दाहाल प्रचण्डले सरकारमा सहभागी हुन आग्रह गरेपछि रास्वपाले केन्द्रीय सदस्य र सांसदको धारणा बुझ्ने प्रक्रिया थालेको थियो ।

सोहीक्रममा सोमबार बसेको केन्द्रीय समिति बैठकमा धेरैजसो सदस्यले अर्को चुनावमा बहुमत ल्याउन सरकारमा गएर उत्कृष्ट काम गर्नैपर्ने धारणा राखेका हुन् ।

रास्वपाले सरकारमा जाने या सरकारलाई दिएको समर्थन फिर्ता गरेर प्रतिपक्षमै बस्नेबारे ठोस निर्णय भने शुक्रबार गर्दै छ । रास्वपा सभापति रवि लामिछाने भने जुनसुकै हालतमा सरकारमा जानुपर्ने पक्षमा छन् ।

केन्द्रीय समितिमा रविकै होल्ड छ । उनले जे चाह्यो त्यही निर्णय हुने अवस्था छ । कसैले विरोध गर्न सक्दैनन् । रवि अहिले प्रचण्डसँग पहिले आफूले पाएको मन्त्रालयमा दाबी गरिरहेका छन् । पहिले रास्वपाले गृह, शिक्षा र श्रम मन्त्रालय पाएको थियो ।

रास्वपाले पाएको मन्त्रालय अहिले माओवादी, जसपा र लोसपाले चलाइरहेका छन् । साढे चार वर्ष सरकारमा बसेर आफ्नो शक्ति मजबुत बनाउने रविको चाहना छ । त्यसमाथि उनको दोहोरा राहदानी मुद्दा सर्वोच्च अदालतमा विचाराधीन छ ।

उनले सोमबार पनि सर्वोच्चलाई पठाएको पत्रमा आफ्नो दोहोरो राहदानीले कसैलाई हानि नगरेको र महान्यायाधिवक्ताले गरेको निर्णयमा सर्वोच्चले परीक्षण गर्न नमिल्ने जिकिर गरेका छन् ।

उनी उपप्रधानसहित गृह मन्त्रालय लिएर आफ्नो मुद्दालाई प्रभावित पार्न चाहिरहेको यी घटनाले पनि देखाउँछ । त्यही भएर पनि रवि कुनै पनि हालतमा सरकारमा जान खोजिरहेको भन्ने बुझिन्छ ।

पहिले सरकारमा रहेका बेला दोहोरो नागरिकताको केसले उनले सांसद पद गुमाएका थिए । अब दोहोरो राहदानी केसले फेरि सांसद पद गुमाउन उनी चाहँदैनन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

रवि लामिछानेले आफ्नो श्रीमानलाई ऋषिमुनि भनेपछि रिसाइन् एलिजा गौतम, दिइन् यस्तो जवाफ

कांग्रेसबाट चुनाव लड्ने भए रवि लामिछाने, मन्त्री बन्ने पक्का! 

रवि लामिछानेका दाजुभाइबीच ठूलो लफडा, स्वतन्त्र उम्मेदवारहरुबीच खैलाबैला 

राजनीतिमा रवि लामिछानेः ‘रवीन्द्र मिश्र भा २’

रवि लामिछानेको दोहोरो चरित्र, परिवारवादको विरोध गरेर श्रीमतिलाई नै बनाए हर्ताकर्ता! 

दल दर्ता नहुँदै रवि लामिछानेलाई लाग्यो ठूलो झट्का, चौतर्फी खैलाबैला!