काठमाडौं - बारा २, चितवन २ र तनहुँ १ मा आज उपचुनाव हुँदैछ ।

बिहान ७ बजेदेखि नै मतदान जारी छ । तर तीनवटै निर्वाचन क्षेत्रका चर्चित उम्मेदवारहरू मतदान गर्नबाट वञ्चित भएका छन् । आफ्नो मतदाता नामावली नभएको निर्वाचन क्षेत्रबाट उठेकाले उनीहरूले आफूले आफैंलाई मतदान गर्न नपाउने भएका हुन् ।

बारा २ मा जसपा उम्मेदवार उपेन्द्र यादव, राष्ट्रिय स्वतन्त्र पार्टीका उम्मेदवार रमेश खरेल र एमाले उम्मेदवार पुरुषोत्तम पौडेल आफैंलाई मतदान गर्न नपाउने भएका हुन् । यादव सप्तरी २, खरेल काठमाडौं १ र पौडेल बारा ३ का मतदाता हुन् ।

त्यसैले यी तीनवटै उम्मेदवारलाई त्यहाँ टुरिस्ट उम्मेदवार भन्ने गरिएको छ । चितवन २ मा पनि रास्वपाका उम्मेदवार रवि लामिछाने र एमाले उम्मेदवार रामप्रसाद न्यौपानेले आफूलाई मतदान गर्न पाउने छैनन् ।

कांग्रेसका उम्मेदवार जितनारायण श्रेष्ठले भने मत हालेका छन् । रवि काठमाडौं ४ र न्यौपाने चितवन ३ का मतदाता हुन् । केही समयअघि रविले भरतपुरमा घर किनेका छन् । तर उनले मतदाता नामावली सारेका छैनन् ।

त्यही भएर उनले मत हाल्न नपाएका हुन् । न्यौपाने चितवन ३ का मतदाता हुन् । मंसिरको निर्वाचनमा न्यौपाने ३ बाट उठेका थिए । तर पार्टी अध्यक्ष केपी ओलीले उनको उम्मेदवारी खोसिदिएका थिए ।

तनहुँ १ का रास्वपा र एमालेका उम्मेदवारले नै आफूलाई मत हाल्न पाउने छैनन् । रास्वपाका स्वर्णिम वाग्ले चितवन र एमालेका सर्वेन्द्र खनाल काठमाडौं ६ का मतदाता हुन् ।

कांग्रेसका उम्मेदवार गोविन्द भट्टराई तनहुँ १ कै मतदाता हुन् । उनले आफूलाई मत हाल्न पाउने भएका छन् । कांग्रेसबाहेक सबै टुरिस्ट उम्मेदवार हुन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

रवि लामिछानेले आफ्नो श्रीमानलाई ऋषिमुनि भनेपछि रिसाइन् एलिजा गौतम, दिइन् यस्तो जवाफ

कांग्रेसबाट चुनाव लड्ने भए रवि लामिछाने, मन्त्री बन्ने पक्का! 

रवि लामिछानेका दाजुभाइबीच ठूलो लफडा, स्वतन्त्र उम्मेदवारहरुबीच खैलाबैला 

राजनीतिमा रवि लामिछानेः ‘रवीन्द्र मिश्र भा २’

रवि लामिछानेको दोहोरो चरित्र, परिवारवादको विरोध गरेर श्रीमतिलाई नै बनाए हर्ताकर्ता! 

दल दर्ता नहुँदै रवि लामिछानेलाई लाग्यो ठूलो झट्का, चौतर्फी खैलाबैला!