काठमाडौं- बारा २, चितवन २ र तनहुँ १ मा उपनिर्वाचनको ज्वरो उत्कर्षमा पुगेको छ । तीनवटै क्षेत्रमा उम्मेदवारी दिएका दलका शीर्ष नेताहरू अहिले प्रचार प्रसारमा लागेका छन् । नेपाली कांग्रेस, एमाले, राष्ट्रिय स्वतन्त्र पार्टी र जसपाले फरकफरक चुनावी प्रचारको शैली अपनाएका छन् ।

कांग्रेसले चितवन २ र तनहुँ १ मा उम्मेदवारी दिएको छ । एमालेले तीनवटै निर्वाचन क्षेत्रमा उम्मेदवारी दिएको छ । रवि लामिछाने नेतृत्वको रास्वपाले पनि तीनवटै क्षेत्रमा उम्मेदवारी दिएको छ । कांग्रेसले तनहुँ १ र चितवन २ लाई प्रतिष्ठाको विषय बनाएको छ । र, सोही रणनीतिअनुसार प्रचारमा लागेको छ । एमाले तीनवटै क्षेत्रमा केन्द्रित भएको छ । जसपाले बारा २ मा आफूलाई केन्द्रित गरेको छ । माओवादी र एकीकृत समाजवादी गठबन्धनको उम्मेदवार जिताउन मैदानमा उत्रिएका छन् ।

रास्वपा भने तीनवटै निर्वाचन क्षेत्रमा क्लिन स्विप गर्छु भन्दै प्रचारमा लागेको छ । जबकि रास्वपाको कुनै संगठन छैन । तर पनि उसको प्रचार शैलीले अरु दललाई अत्याएको छ । तीनवटै निर्वाचन क्षेत्रमा रवि एक्लै कुदेका छन् । तर कांग्रेसर्, एमालेले त्यसो गर्न सकेको छैन । 

रविको प्रचार शैली भिन्न छ । उनी जहाँ पुग्छन् त्यहाँ ४०/५० जना युट्युबे सँगै हुन्छन् । रविले बोलेका, गाली गरेका, थर्काएका कुरा तुरुन्तै युट्युबमा हालिदिन्छन् । जुन टिकटकसहित सामाजिक सञ्जालमा भाइरल हुने गर्छ । एकैचोटि ४०/५० जना युट्युबे लिएर हिँड्दा ठूलो भिड देखिने, जताततै क्यामेरा देखिँदा मानिसहरू झुम्मिने गरेका छन् । त्यसैलाई भजाउन रवि सफल हुँदै गएका छन् ।

सामाजिक सञ्जालमा रवि हिँडेको, सभामा बोलेको मास देख्दा एक हिसाबले मतदाता प्रभावित पनि भइरहेका छन् । जसलाई चिर्न कांग्रेस, एमाले जस्ता ठूला दलका नेता असफल भइरहेका छन् । चितवन र तनहुँका विभिन्न ठाउँमा भोट माग्न हिँडेका रविलाई मतदाताले प्रश्न गर्दा उल्टै रविले लगेर थुनिदिन्छु भन्दै थर्काएको भिडियो सामाजिक सञ्जालमा भाइरल बनेका छन् । रविका समर्थक अहिले तालिवानी शैलीमा उत्रिएका छन् ।

रविको विरोध गर्नेमाथि नानाभाती गालीगलौज गर्ने, थर्काउने, महिलामाथि अश्लील गालीगलौज सामान्य भइसकेको छ । यसले चाँडै नेपाली समाजमा अराजकतावादी हाबी हुने संकेत गरिरहेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

रवि लामिछानेले आफ्नो श्रीमानलाई ऋषिमुनि भनेपछि रिसाइन् एलिजा गौतम, दिइन् यस्तो जवाफ

कांग्रेसबाट चुनाव लड्ने भए रवि लामिछाने, मन्त्री बन्ने पक्का! 

रवि लामिछानेका दाजुभाइबीच ठूलो लफडा, स्वतन्त्र उम्मेदवारहरुबीच खैलाबैला 

राजनीतिमा रवि लामिछानेः ‘रवीन्द्र मिश्र भा २’

रवि लामिछानेको दोहोरो चरित्र, परिवारवादको विरोध गरेर श्रीमतिलाई नै बनाए हर्ताकर्ता! 

दल दर्ता नहुँदै रवि लामिछानेलाई लाग्यो ठूलो झट्का, चौतर्फी खैलाबैला!