काठमाडौं - आइतबार एकाएक राष्ट्रिय स्वतन्त्र पार्टीका सांसद ढाकाकुमार श्रेष्ठले मन्त्री बन्न पैसा बुझाउनुपर्ने भन्दै मेडिकल व्यवसायी दुर्गा प्रसाईसँग दुई करोड मागेको अडियो टेप सार्वजनिक भएपछि राजनीति एकाएक तरंगित भयो ।

दिनभर सोही विषयको चर्चा भयो । चुनावी प्रचारको दौडमा रहेका रास्वपा सभापति रवि लामिछानेलाई आफ्नो पार्टीका उम्मेदवारलाई हराउन खोतली खोतली नयाँ नयाँ विवाद निकालेको भनेर जनतालाई ढाँटे ।

उनले जनताको सहानुभूति पाउन दोषी देखिए सांसद श्रेष्ठलाई ७२ घन्टाभित्र कारबाही गर्ने, नगरे गढीमाई मन्दिरमा बलि दिन भने । तर आइतबार मध्यराति उनले सामाजिक सञ्जालमा लेखे– ‘कुहिएको आलु बोराबाट कसरी फाल्ने मलाई राम्रोसँग थाहा छ । यसबारे भोलि थप कुरा गरौंला ।’

रविको यो स्टाटस आफू पनि फस्ने डरले लेखेका थिए । किनभने दिउँसो चुनावी सभामा ७२ घन्टाभित्र कारबाही गर्छु भन्ने रवि राति नहुँदै गल्नुले यसमा उनको कोर टिम र उनी आफैं पनि संलग्न रहेको आशंका गरिएको छ ।

किनभने केही समयपछि रविविरुद्ध यस्ता धेरै बार्गेनिङ गरेर पैसा असुलेको घटना सार्वजनिक हुने अनुमान गरिएको छ । हिजो न्युज २४ टेलिभिजनमा ‘सिधा कुरा जनतासँग’ चलाउँदा रविको टिमले क्रसर व्यवसायी, मेडिकल कलेज, विभिन्न उद्योगपतिसँग पैसा असुलेको चर्चा चलेको थियो । उनको रास्वपामा अहिले त्यस्तै त्यस्तै चरित्र भएका व्यक्तिको हाबी छ ।

रवि आफैं विभिन्न काण्डमा मुछिएका र जेल परेका व्यक्ति हुन् । उपसभापति डिपी अर्याल म्यानपावर सञ्चालक हुन् । जसले धेरैलाई ठगेर विदेश पठाएको समाचार आइसकेको छ । ढाकाकुमार श्रेष्ठ त सहकारी ठगीमा कारबाही नगरी छाडिएका व्यक्ति पनि हुन् ।

श्रेष्ठले पोखराको एउटा सहकारीमा गरेको भ्रष्टाचारको कुरा सांसद बनेको केही दिनमै आएको थियो । तर त्यसबेला सुनेको नसुन्यै गरे । पोखराको पृथ्वीचोकमा रहेको शुभ बिहानी पोलिक्लिनिक चलाउने श्रेष्ठले त्यहाँ अवैध गर्भपतन गराउने गरेको खुलेको छ । पोखराको रत्नचोकमा उनले स्थापना गरेको साथी किसान सहकारीका बचतकर्ताको पैसा डुबेको छ ।

उनले आफू अध्यक्ष हुँदाको हिसाब बुझबुझारथ नगरी बिदा भए, नयाँ नेतृत्वले जिम्मा लिन नमान्दा सहकारी बन्द छ भने बचतकर्ताको बिचल्ली छ ।

समाजसेवाका नाममा ‘हाम्रो परिवर्तन नेपाल’ नामक संस्था खोलेका थिए, तर त्यहाँ पनि उनले गडबड गरेका थिए । संस्थाले श्रेष्ठको जन्मथलो पोखरा–२४ कास्कीकोटमा खानेपानी बोरिङका लागि ०७४ मा रकम संकलन गरेको थियो ।

एक सय बढी स्थानीय उपस्थित भएर रकम दिए पनि कति रकम जम्मा भयो भन्ने जानकारी श्रेष्ठले कसैलाई पनि दिएनन् । यस्ता व्यक्तिलाई बोक्ने रविको राजनीति अब कसरी अघि बढ्छ हेर्नैपर्ने हुन्छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

रवि लामिछानेले आफ्नो श्रीमानलाई ऋषिमुनि भनेपछि रिसाइन् एलिजा गौतम, दिइन् यस्तो जवाफ

कांग्रेसबाट चुनाव लड्ने भए रवि लामिछाने, मन्त्री बन्ने पक्का! 

रवि लामिछानेका दाजुभाइबीच ठूलो लफडा, स्वतन्त्र उम्मेदवारहरुबीच खैलाबैला 

राजनीतिमा रवि लामिछानेः ‘रवीन्द्र मिश्र भा २’

रवि लामिछानेको दोहोरो चरित्र, परिवारवादको विरोध गरेर श्रीमतिलाई नै बनाए हर्ताकर्ता! 

दल दर्ता नहुँदै रवि लामिछानेलाई लाग्यो ठूलो झट्का, चौतर्फी खैलाबैला!