काठमाडौं - बारा २, चितवन २ र तनहुँ २ मा उपनिर्वाचनका लागि आज उम्मेदवारी मनोनयन दर्ताको कार्यक्रम छ ।

तीनवटै क्षेत्रमा निर्वाचन कार्यालयसमेत स्थापना भइसकेको छ । आगामी वैशाख १० गते हुने निर्वाचनमा नेपाली कांग्रेसका उम्मेदवारबाहेक सबै टुरिस्ट उम्मेदवार बनेका छन् ।

तीनवटै निर्वाचन क्षेत्रमा एमाले, जसपा र राष्ट्रिय स्वतन्त्र पार्टीका उम्मेदवारले आफैैले आफैंलाई भोट हाल्न पाउँदैनन् । बारा २ मा जसपाबाट उम्मेदवारी दिन लागेका उपेन्द्र यादव सप्तरीका हुन् । उनी त्यहाँ टुरिस्ट उम्मेदवार हुन् ।

उनी सप्तरी २ मा पराजित भएका थिए । बारा २ मै रास्वपाले उठाउन लागेका रमेश खरेल पनि काठमाडौंका हुन् । उनी काठमाडौं १ मा पराजित भएका व्यक्ति हुन् ।

चितवन २ मा उम्मेदवारी दिन लागेका रास्वपाका सभापति रवि लामिछानेले आफूलाई भोट हाल्न पाउँदैनन् । उनी मंसिर ४ गतेको निर्वाचनमा त्यही निर्वाचन क्षेत्रबाट विजयी भएका थिए । उनको मतदाता नामावली काठमाडौं ४ मा छ ।

त्यस्ते, रास्वपाबाट तनहुँ २ मा उम्मेदवारी दिन लागेका स्वर्णिम वाग्ले पनि फिरंगी हुन् । उनी चितवनका हुन् । एमालेले टिकट दिएका सर्वेन्द्र खनाल पनि तनहुँका लागि टुरिस्ट उम्मेदवार हुन् । उनको मतदाता नामावली काठमाडौंमा छ ।

उनी गत निर्वाचनमा काठमाडौं ६ मा रास्वपाका शिशिर खनालसँग पराजित भएका थिए । राष्ट्रिय स्वतन्त्र पार्टीले विभिन्न दलबाट असन्तुष्ट बनेर हिँडेका, ठाउँ नपाएका, पदलोलुपलाई पार्टीमा भित्र्याएर अरु दललाई चुनौती दिने योजना बनाएको छ ।

मंसिर ४ गतेको निर्वाचनमा नेपाली कांग्रेस, एमाले, माओवादी केन्द्रभित्रको असन्तुष्टिमा खेलेर भोट बटुलेको रास्वपाको वास्तविक परीक्षण आगामी वैशाख १० गते हुने तीन ठाउँको उपनिर्वाचनले गर्ने छ । उपनिर्वाचन हुन लागेका निर्वाचन क्षेत्रमध्ये चितवन २ अधिकांश सहरी क्षेत्रमा पर्छ ।

तनहुँ २ र बारा २ भने आधा सहरी र आधा ग्रामीण क्षेत्र हो । चितवन २ मा पनि ग्रामीण भेग नभएको होइन । ग्रामीण भेगबाट चितवन २ मा रवि लामिछानेलाई धेरै कम मत आएको थियो ।

तर जतिजति सहरी क्षेत्र आयो, त्यतित्यति रविको पक्षमा मत ओइरिएको थियो । अबको उपनिर्वाचनमा रविलाई कसरी मत खस्छ त्यसले नै आगामी दिनमा यो पार्टीको भूमिका निर्धारण गर्छ ।

पत्रकार शालिकराम पुडासैनी आत्महत्या प्रकरणमा रविलाई चितवनको जेलमा तीन महिना नराखेको भए सायद उनको लोकप्रियता यो हदसम्म बढ्दैनथ्यो । त्यसबेला रवि पत्रकार थिए । पत्रकार भएकै कारण उनलाई चितवनवासीले माया गरे । तर निर्वाचन भएको पाँच महिनामै रवि लामिछानेको वास्तविक अनुहार सार्वजनिक भइसकेको छ ।

यसबीचमा कांग्रेसले आफ्नो भोट बैंक फर्काउन पूर्व जिल्ला सभापति विकास कोइराला र जगन्नाथ पौडेलमाथि गरिएको कारबाही फुकुवा गरेको छ । कोइरालाको फिर्ता नै भएको छ भने पौडेललाई सुध्रिने मौका दिइएको छ ।

यसले पनि कांग्रेसबाट चितवन २ मा उम्मेदवार बन्दै गरेका जितनारायण श्रेष्ठलाई धेरै राहत हुने देखिएको छ । एमालेले पनि स्थानीय उम्मेदवार रामप्रसाद न्यौपाने उठाएकाले मंसिर ४ गतेको भन्दा सुधार गर्ने अपेक्षा गरिएको छ । एमाले नेता गोकुल बास्कोटाले त यसपटक चितवनमा त्रिपक्षीय भिडन्त हुने भनेर घोषणा नै गरेका छन् ।

रास्वपाबाट तनहुँ २ र बारा २ मा उम्मेदवार बनेका क्रमशः स्वर्णिम वाग्ले र रमेश खरेल फिरंगी उम्मेदवार हुन् । सिके राउतले जसपा अध्यक्ष उपेन्द्र यादवलाई फिरंगी उम्मेदवार भनेर बारा जिल्लामा माहोल तताएका छन् ।

जुन भुंग्रोमा रास्वपाका उम्मेदवार खरेल पर्ने निश्चित छ । उनी काठमाडौं १ मा लज्जास्पद ढंगले कांग्रेसका नेता प्रकाशमान सिंहबाट पराजित भएका हुन् । रास्वपा बारा २ मा प्रतिस्पर्धामा पनि नआउने विभिन्न सर्वेक्षणले देखाएको छ । कांग्रेसमा पाउनुपर्ने अवसर पाएर हालै छाडेका स्वर्णिम वाग्ले गोरखाबाट बसाइँ सरेर चितवन पुगेका छन् ।

तर चितवनमै जित्ने अवस्था नभएपछि उनी तनहुँ पुगेका हुन् । तनहुँमा कांग्रेस सबैभन्दा बलियो पार्टी हो । कांग्रेसले शालिन, इमान्दार र नेविसंघका पूर्वअध्यक्ष गोविन्द भट्टराईलाई उम्मेदवार बनाएको छ ।

केन्द्रीय सदस्य भट्टराईका अगाडि स्वर्णिम बलियो उम्मेदवार हुँदै होइनन् । कांग्रेसले मंसिर ४ गतेको निर्वाचनमा तनहुँ २ बाट २५ हजार मत प्रत्यक्ष र २० हजार मत समानुपातिकमा ल्याएको थियो ।

कांग्रेसबाट जितेका रामचन्द्र पौडेल राष्ट्रपति भइसकेका छन् । गोविन्दराज जोशीको कडा प्रतिरोधका कारण पनि कांग्रेसले २५ हजार मत ल्याएको थियो ।

त्यसमा पनि अहिलेको गठबन्धन र जोशी यसपटक उम्मेदवार नबन्ने भएकाले उनको पक्षको मत गोविन्द भट्टराईले नै पाउने अवस्था छ । किनभने कांग्रेसले जोशीमाथि गरेको कारबाही आइतबार नै फुकुवा गरिसकेकाले अब उनी कांग्रेसका पूर्वसहमहामन्त्रीको हैसियतमा रहने भएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

रवि लामिछानेले आफ्नो श्रीमानलाई ऋषिमुनि भनेपछि रिसाइन् एलिजा गौतम, दिइन् यस्तो जवाफ

कांग्रेसबाट चुनाव लड्ने भए रवि लामिछाने, मन्त्री बन्ने पक्का! 

रवि लामिछानेका दाजुभाइबीच ठूलो लफडा, स्वतन्त्र उम्मेदवारहरुबीच खैलाबैला 

राजनीतिमा रवि लामिछानेः ‘रवीन्द्र मिश्र भा २’

रवि लामिछानेको दोहोरो चरित्र, परिवारवादको विरोध गरेर श्रीमतिलाई नै बनाए हर्ताकर्ता! 

दल दर्ता नहुँदै रवि लामिछानेलाई लाग्यो ठूलो झट्का, चौतर्फी खैलाबैला!