काठमाडौं - नेपाली कांग्रेसका सभापति तथा पूर्वप्रधानमन्त्री शेरबहादुर देउवा पत्नी डा. आरजु राणा देउवा अचानक भारतको नयाँ दिल्ली पुगेकी छन् ।

नेपाल एअरलाइन्सको आरए २१७ नम्बर उडानबाट उनी सोमबार साँझ ७ बजे दिल्ली उडेकी हुन् । आरजुसँगै आमा प्रतिभा राणा पनि दिल्ली गएकी छन् । प्रतिभा पूर्वराजदूतसमेत हुन् ।

मन्त्रीपरिषद् विस्तारमा आरजुको नाम पनि चर्चामा रहेका बेला कांग्रेस केन्द्रीय सदस्यसमेत रहेकी उनी दिल्ली जानुको कारण बाहिर आएको छैन । उनी आमालाई लिएर स्वास्थ्य उपचारका लागि दिल्ली पुगेको धुम्बाराही स्रोतले जानकारी दियो ।

लामो समय जापानमा उपचार गराएर नेपाल फर्केकी आरजुले दिल्लीको एक अस्पतालमा फ्लोअप गर्दै आएकी छन् ।

यसअघि पनि महिना दुई महिनामा उनी दिल्ली जाने आउने गरिरहेकी थिइन् । नियमित स्वास्थ जाँचका लागि नयाँ दिल्ली गए पनि उनले सो क्रममा राजनीतिक भेटघाट गर्ने बुझिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

नारदमुनि र लक्ष्मण थारु भिड्दा कांग्रेस नेतृ आरजु देउवाले सजिलै चुनाव जित्ने

आरजु देउवा किन गइन् दिल्ली ?