काठमाडौं - निर्वाचन आयोगले वैशाख १० गते चितवन २ मा उपनिर्वाचन हुने मिति तोकेको छ ।

तर, आयोगले तोकेको मितिमा त्यहाँ निर्वाचन नहुने सम्भावना बढ्दै गएको छ । राष्ट्रपति र उपराष्ट्रपति निर्वाचनपछि रिक्त हुने निर्वाचन क्षेत्रमा समेत एकैचोटि निर्वाचन गर्ने गरी आयोगले चितवन २ बारे चाँडै नयाँ सूचना जारी गर्ने तयारी गरेको स्रोतले बताएको छ ।

राष्ट्रिय स्वतन्त्र पार्टीका सभापति रवि लामिछानेको पुराना नेपाली नागरिकता रद्द गर्दै सर्वोच्च अदालतले उनको सांसद पद पनि खारेज गरेपछि चितवन २ मा सांसद पद खाली भएको थियो ।

आयोगले रिक्त स्थानमा वैशाख १० गते निर्वाचन गर्ने निर्वाचन कार्यतालिकासमेत सार्वजनिक गरिसकेको छ । लामिछानेले नयाँ नागरिकता लिए पनि मतदाता नामावलीमा पुरानै नागरिकताबाट नाम समावेश गराएकाले उनले पुनः मतदाता नामावलीमा नाम सच्याउनुपर्ने हुन्छ ।

तर आयोगले मतदाता नामावली सच्याउन सूचना ननिकालेकाले रवि लामिछानेलाई उम्मेदवार बन्न समस्या हुने देखिएको छ । प्रतिनिधिसभाको उम्मेदवार बन्न मतदाता नामावलीमा नाम हुनै पर्ने बाध्यकारी व्यवस्था छ । अहिले राष्ट्रपति रामचन्द्र पौडेलले सांसदबाट राजीनामा दिएका कारण तनहुँ २ मा पनि सांसद पद रिक्त हुन लागेको छ ।

राष्ट्रपति पौडेलले सोमबार सांसद पदबाट राजीनामा दिएका थिए । पौडेलले संविधानको धारा ६२ (६) बमोजिम प्रतिनिधिसभा सदस्य पदबाट राजीनामा दिएका हुन् थियो । सभामुख देवराज घिमिरेलाई सम्बोधन गरेर लेख्नुभएको राजीनामा सोमबार नै संसदमा दर्ता भएको छ ।

राष्ट्रपतिमा निर्वाचित व्यक्ति कुनै पनि राजनीतिक दलसँग आवद्ध हुन नपाइने संवैधानिक व्यवस्थाबमोजिम उनले सांसद पदबाट राजीनामा दिएका हुन् । विदेश भ्रमणबाट फर्केलगत्तै सभामुख घिमिरेले तनहुँ २ मा सांसद पद रिक्त रहेको निर्वाचन आयोगलाई पत्र पठाउने छन् ।

त्यसपछि आयोगले त्यहाँ पनि उपनिर्वाचन गराउने छ । यस्तै, चैत ३ गते उपराष्ट्रपतिको निर्वाचन हुँदैछ । उपराष्ट्रपतिमा जसपाका रामसहायप्रसाद यादव, एमालेबाट अष्टलक्ष्मी शाक्य र जनमत पार्टीबाट ममता झा उम्मेदवार छन् । झा र शाक्य सांसद छैनन् ।

यादव भने बारा २ बाट प्रतिनिधिसभामा निर्वाचित भएका हुन् । आठदलीय गठबन्धनको साझा उम्मेदवार भएकाले यादव उपराष्ट्रपतिमा निर्वाचित हुने सम्भावना बढी छ ।

यदि यादव उपराष्ट्रपतिमा निर्वाचित भएमा बारा २ मा पनि सांसद पद रिक्त हुनेछ । त्यहाँ पनि उपनिर्वाचन गराउनुपर्ने भएकाले निर्वाचन आयोगले तीनवटै निर्वाचन क्षेत्रमा एकैपटक उपचुनाव गर्ने गरी कार्यतालिका संशोधित गर्ने तयारी गरेको विश्वस्त सूत्रले जानकारी दिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

रवि लामिछानेले आफ्नो श्रीमानलाई ऋषिमुनि भनेपछि रिसाइन् एलिजा गौतम, दिइन् यस्तो जवाफ

कांग्रेसबाट चुनाव लड्ने भए रवि लामिछाने, मन्त्री बन्ने पक्का! 

रवि लामिछानेका दाजुभाइबीच ठूलो लफडा, स्वतन्त्र उम्मेदवारहरुबीच खैलाबैला 

राजनीतिमा रवि लामिछानेः ‘रवीन्द्र मिश्र भा २’

रवि लामिछानेको दोहोरो चरित्र, परिवारवादको विरोध गरेर श्रीमतिलाई नै बनाए हर्ताकर्ता! 

दल दर्ता नहुँदै रवि लामिछानेलाई लाग्यो ठूलो झट्का, चौतर्फी खैलाबैला!