काठमाडौं- आफूलाई अन्य दलभन्दा भिन्न भनेर प्रचार गर्दै राजनीतिमा हामफालेका रवि लामिछाने अहिले सांसद पदका लागि ढोक्सा थाप्नुपर्ने अवस्थामा आइपुगेका छन् । आफ्नो सानो त्रुटिका कारण भएको सांसद पद र गृहमन्त्री गुमाउन पुगेका लामिछाने दोहोरो राहदानी प्रकरणमा कारबाहीबाट बच्न सरकारलाई दिएको समर्थन कायमै राखेर ढोक्सा थापेका छन् ।

यदि दोहोरो राहदानी कसुरमा प्रहरीले अनुसन्धान अघि नबढाएमा रविले वैशाख १० गते हुने चितवन २ को उपनिर्वाचनमा उम्मेदवार बन्न पाउने छन् । प्रहरीले अनुसन्धान अघि बढाएमा र अदालतमा मुद्दा परेमा रवि उम्मेदवार दिनबाट समेत वञ्चित हुनेछन् । दोहोरो राहदानी कसुर फौजदारी मुद्दा भएकाले यो मुद्दा प्रमाणित भएमा जेल र जरिवाना दुवै सजाय हुनेछ । राहदानी कसुरमा सजाय पाएको व्यक्ति सांसद बन्नयोग्य हुँदैन । त्यही भएर रवि लामिछानेले प्रचण्ड नेतृत्वको सरकारलाई दिएको समर्थन कायमै राखेर ढोक्सा थापेको विश्लेषण हुन थालेको छ ।

रास्वपासँगै सरकारमा रहेका एमाले र राप्रपाले प्रचण्ड नेतृत्वको सरकारलाई दिएको समर्थन फिर्तासँगै सरकारबाट समेत फिर्ता भइसकेका छन् । तर रास्वपा सरकारबाट बाहिरिए पनि समर्थन दिएर बसेको छ । अहिले रास्वपाका अध्यक्ष रवि लामिछाने प्रधानमन्त्री प्रचण्डसँग निरन्तर संवादमा रहेका छन् ।

सोमबार बसेको रास्वपाको बैठकमा लामिछानेले प्रधानमन्त्री प्रचण्डले सरकारमा आउन र राष्ट्रपति निर्वाचनमा रामचन्द्र पौडेललाई सघाउन आग्रह गरेको ब्रिफिङ गरेका थिए । सोही कारण रास्वपाले फागुन २५ गते हुने राष्ट्रपति निर्वाचनमा कांग्रेस उम्मेदवार पौडेललाई भोट हाल्ने र सरकारमा सहभागी हुने आकलन गर्न थालिएको छ ।

यसअघिको गठबन्धमा रहेको रास्वपा अहिले बाहिर निस्किएको अनुमान गर्न थालिएको छ । गृहमन्त्री हुँदा हरेक दिन केपी ओली भेट्न बालकोट पुग्ने रविको ध्यान अहिले खुमलटारतिर पुगेको छ । वैशाख १० गते हुने उपनिर्वाचनमा जितेर आए राम्रो मन्त्रालय लिने रविको अपेक्षा रहेको रास्वपाका एक नेताले बताए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

रवि लामिछानेले आफ्नो श्रीमानलाई ऋषिमुनि भनेपछि रिसाइन् एलिजा गौतम, दिइन् यस्तो जवाफ

कांग्रेसबाट चुनाव लड्ने भए रवि लामिछाने, मन्त्री बन्ने पक्का! 

रवि लामिछानेका दाजुभाइबीच ठूलो लफडा, स्वतन्त्र उम्मेदवारहरुबीच खैलाबैला 

राजनीतिमा रवि लामिछानेः ‘रवीन्द्र मिश्र भा २’

रवि लामिछानेको दोहोरो चरित्र, परिवारवादको विरोध गरेर श्रीमतिलाई नै बनाए हर्ताकर्ता! 

दल दर्ता नहुँदै रवि लामिछानेलाई लाग्यो ठूलो झट्का, चौतर्फी खैलाबैला!