काठमाडौं - राष्ट्रपतिको निर्वाचनका लागि मनोनयन दर्ता गर्ने अघिल्लो दिन शुक्रबार बिहानैदेखि प्रधानमन्त्रीको सरकारी निवास बालुवाटारमा विभिन्न दलका नेताहरू द्विपक्षीय र बहुपक्षीय भेटवार्तामा जुटेका छन् ।

चुनावअघिको गठबन्धनका शीर्ष नेताहरूको बैठक सुरु हुनुअघि प्रधानमन्त्री पुष्पकमल दाहाल प्रचण्ड, एकीकृत समाजवादीका अध्यक्ष माधवकुमार नेपाल र पूर्वप्रधानमन्त्री बाबुराम भट्टराईबीच छलफल भएको थियो ।

तीन नेताको छलफल सकिएलगत्तै चार दलको बैठक सुरु भएको छ । बैठकमा प्रधानमन्त्री प्रचण्ड, नेपाली कांग्रेस सभापति शेरबहादुर देउवा, एकीकृत समाजवादीका अध्यक्ष माधवकुमार नेपाल र जसपाका अध्यक्ष उपेन्द्र यादव सहभागी छन् ।

कांग्रेस उपसभापति पूर्णबहादुर खड्का र महामन्त्री नेता गगन थापा तथा माओवादी केन्द्रका उपाध्यक्ष नारायणकाजी श्रेष्ठ पनि बैठकमा सहभागी छन् । प्रधानमन्त्री प्रचण्डले राष्ट्रपतिमा राष्ट्रिय सहमति खोज्न भन्दै शुक्रबार बिहान चार दलसँग छलफल गरेका हुन् ।

चार दलसँगको छलफलपछि प्रचण्डले एमाले अध्यक्ष केपी ओलीसँग पनि फाइनल कुराकानी भएका छन् । एमालेले राष्ट्रपतिमा आफ्नो दललाई समर्थन गर्ने पूर्वसहमति स्मरण गराएको छ । तर प्रधानमन्त्री प्रचण्ड एमालेलाई राष्ट्रपति दिन तयार छैनन् ।

त्यही भएर अहिले एकीकृत समाजवादीका अध्यक्ष नेपालको नाम अघि सारिएको हो । एमाले अध्यक्ष ओलीले आफ्नो दलले राष्ट्रपति नपाए एकीकृत समाजवादीलाई एकीकरण गर्ने सर्तमा माधव नेपाललाई राष्ट्रपति बनाउन प्रचण्डसँग प्रस्ताव गरेका छन् ।

तर माधव नेपाललाई राष्ट्रपति दिएर आफ्नै खुट्टामा बन्चरो हान्न प्रचण्ड तयार छैनन् । नेपाली कांग्रेसले राष्ट्रपतिमा आफ्नो दललाई सघाउनुपर्ने भन्दै प्रचण्डसँग प्रस्ताव गरेको छ ।

प्रधानमन्त्रीले पनि कांग्रेसलाई राष्ट्रपतिमा सघाउने बचन दिएका छन् । तर ठोस सहमति भइसकेको छैन । कांग्रेसमा सभापति देउवा, नेता रामचन्द्र पौडेल र कृष्णप्रसाद सिटौला राष्ट्रपतिका लागि चर्चामा छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

भोलि नै आमनिर्वाचनको मिति घोषणाको गृहकार्यमा बालुवाटार

बालुवाटारमा छलफलमा जुटे कांग्रेस नेता, फाइनल निर्णय हुने

देशले शोक मनाउँदै गर्दा बालुवाटारमा मध्यरातिसम्म मन्त्रालय भागबन्डा

बालुवाटारमा लम्बियो चार दलको बैठक, राष्ट्रपतिबारे गहन छलफल