काठमाडौं - केही दिनअघि नेपाली कांग्रेसका महामन्त्री गगन थापाले साउन ४ गते आमनिर्वाचनको मिति घोषणा हुने बताएका थिए ।

ललितपुरमा आयोजित कांग्रेस प्रशिक्षण भेलामा उनले साउन ४ गते निर्वाचनको मिति घोषणा हुने भएकाले अहिलेदेखि नै निर्वाचनको अभियानमा लाग्न नेता कार्यकर्तालाई निर्देशनसमेत दिएका थिए । सरकारले मंसिरको पहिलो साता निर्वाचन गर्ने तयारी गरेको छ ।

यस आधारमा पनि निर्वाचनको मिति घोषणा भएको एक सय २० दिन तयारीका लागि समय चाहिने निर्वाचन आयोगको भनाइ छ । सोही कारण सरकारले बुधबार नै प्रतिनिधिसभा र प्रदेश सभा निर्वाचनको मिति घोषणाको गृहकार्य गरेको छ ।

चुनावको मिति सम्बन्धमा प्रधानमन्त्री शेरबहादुर देउवाले आफ्ना ज्योतिषीसँग राय लिइसकेका छन् । निर्वाचन आयोगले प्रस्ताव गरेकै आसपासमा चुनावको मिति तोक्ने सरकारको तयारी छ ।

असार २२ गते निर्वाचन आयोगले प्रधानमन्त्री देउवासँग बालुवाटारमा भेट गरेर मंसिर २ गते चुनाव गर्न प्रस्ताव गरेको थियो । प्रमुख निर्वाचन आयुक्त दिनेशकुमार थपलियाका अनुसार एकै चरणमा चुनाव गर्न आयोगले प्रस्ताव गरेको छ ।

सरकार भने मंसिर ४ गते चुनाव गर्नेगरी मिति घोषणाको गृहकार्यमा जुटेको स्रोतले बतायो । ज्योतिष सुरेशचन्द्र रिजालले मंसिर ४ गते चुनावका लागि उपयुक्त रहेको यसअघि नै सामाजिक सञ्जालमार्फत सार्वजनिक गरिसकेका छन् ।

राजनीतिक नियुक्ति, सरूवा र केही संसदीय प्रक्रियाको काम सम्पन्न गरेर मात्रै निर्वाचनको मिति घोषणा गर्ने मनस्थितिमा प्रधानमन्त्री देउवा छन् ।

मन्त्रिपरिषद्को नियमित बैठक सोमबार र बिहीबार बस्ने प्रचलन भएकाले एक दिन अगाडि बुधबार नै मन्त्रिपरिषदको बैठक राखेर निर्वाचन मिति घोषणा हुन सक्ने बालुवाटार स्रोतले बतायो ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

बालुवाटारमा छलफलमा जुटे कांग्रेस नेता, फाइनल निर्णय हुने

देशले शोक मनाउँदै गर्दा बालुवाटारमा मध्यरातिसम्म मन्त्रालय भागबन्डा

बालुवाटारमा बिहानैदेखि नेताहरूको जमघट, राष्ट्रपतिमा घमासान

बालुवाटारमा लम्बियो चार दलको बैठक, राष्ट्रपतिबारे गहन छलफल