काठमाडौं - एउटा विवेकहीन, दम्भी, अहंकारी नेताले शासन गरेको देशका जनताले निकै सास्ती र दुःख भोग्नुपरेको विश्व इतिहासले देखाएको छ ।

अहिले युक्रेनका जनता राष्ट्रपति भ्लादिमिर जेलेनेस्कीका कारण रुससँग युद्ध खेप्न बाध्य छन् । उनी कलाकारिता फिल्डबाट एकैचोटि देशको शासन सत्तामा आएका हुन् । गत मंसिरको निर्वाचनमा त्यसैगरी नेपाली जनताले पूर्वसञ्चारकर्मी रवि लामिछानेको हैसियत आकाशमा पुर्याइदिए ।

तर सरकारमा गएको ३२ दिनमै उनको सांसद पद खारेज भयो । ४२ दिनमा पार्टी नै सरकारबाट बाहिरियो । विकृत राजनीतिमा सुशासनको नारा दिंदै पार्टी खोलेर छोटो समयमा स्थापित दललाई चुनौती दिंदै २० सिट जितेर राष्ट्रिय स्वतन्त्र पार्टीले तहल्का नै मच्चाएको थियो ।

जनताले नै अनुमोदन गरेपछि कसैको केही लाग्दैन । अरुलाई विधि, विधान र पद्धतिको राग अलाप्नमा रास्वपाका अध्यक्ष रवि लामिछाने धेरै अगाडि देखिए । तर आफू कानुनभन्दा माथि रहेझै पुनः नागरिकता प्राप्त गर्न सामान्य एउटा निवेदन नदिएर उनको सांसद र गृहमन्त्री पद खारेज भयो । छोटो समयमा उनको पार्टीले उतारचढाव भोग्नुपरेको छ । सुशासनको नारा दिएर भर्खरै उदाएको पार्टीलाई सरकारमा जाने अभिमत थिएन ।

रविले हतारहतार सरकारमा जानुमा सफलता देखे । तर आफूलाई नै केन्द्रमा राखेर सरकारबाट फिर्ताको एकपक्षीय निर्णय लिए । टेलिभिजनमा एउटा कार्यक्रम चलाउँदा उनको एकाधिकार चल्थ्यो । यो पार्टी अब रविको प्राइभेट कम्पनी जस्तो पक्कै होइन होला ।

पार्टी भइसकेपछि अरुका विचार र भावनाका कुरा पनि हुन्छन् । तर, अहिले रास्वपाका कुनै सांसद पनि रविको विरोध गर्ने हिम्मत राख्न सक्दैनन् । आइतबार आयोजित पत्रकार सम्मेलनमा रविले आफ्नो कमजोरीमा पद जानुको दोष मिडियालाई दिएर अनेक लाञ्छना लगाए ।

त्यहाँ उनले विवेक देखाएनन् । आक्रोश, अहंकार, दम्भ र आफू मात्र बुद्धि भएको व्यक्तिझैं भ्रम छरे । यसबाट रवि लामो रेसको राजनीतिका लागि काबिल छैनन् भन्ने देखाउँछ । गृह मन्त्रालय नपाएकै झोकमा उनले पार्टीलाई नै सरकारबाट फिर्ता बोलाए ।

आफ्नो सांसद पद गुमे पनि पार्टीलाई सरकारमा रहेर काम गरेको भए उनको पार्टीको बेग्लै छवि बन्थ्यो । तर अहिले रविले पाएको मत बतासे हो । अर्कालाई गाली गरेर प्राप्त मत सधैं स्थायी हुँदैन भन्ने रविले बुझ्न सकेको देखिएन ।

यतिबेला उनले मिडियामाथि जे जस्तो स्वभाव प्रदर्शन गरेका छन्, त्यसले एकदिन उनलाई खाडलमा हाल्ने पक्का छ । उनले पत्रकार सम्मेलनमा खुलेआम आफूसँग दुईवटा राहदानी भएको भनेर बोलेका छन् ।

भोलि यो विषय अदालत र प्रशासनका लागि बलियो प्रमाण हुन्छ । राहदानी दुरुपयोगमा सजाय पाएका व्यक्ति सांसदको उम्मेदवार बन्न अयोग्य हुने संविधानमै लेखिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

रवि लामिछानेले आफ्नो श्रीमानलाई ऋषिमुनि भनेपछि रिसाइन् एलिजा गौतम, दिइन् यस्तो जवाफ

कांग्रेसबाट चुनाव लड्ने भए रवि लामिछाने, मन्त्री बन्ने पक्का! 

रवि लामिछानेका दाजुभाइबीच ठूलो लफडा, स्वतन्त्र उम्मेदवारहरुबीच खैलाबैला 

राजनीतिमा रवि लामिछानेः ‘रवीन्द्र मिश्र भा २’

रवि लामिछानेको दोहोरो चरित्र, परिवारवादको विरोध गरेर श्रीमतिलाई नै बनाए हर्ताकर्ता! 

दल दर्ता नहुँदै रवि लामिछानेलाई लाग्यो ठूलो झट्का, चौतर्फी खैलाबैला!