काठमाडौं - नेपाली कांग्रेस संसदीय दल कार्यसमितिको बैठक पार्टी सभापति शेरबहादुर देउवाको धुम्बाराहीस्थित निवासमा बसिरहेको छ ।

बिहान ९ बजे बोलाइएको बैठक पौने १० बजेदेखि सुरु भएको हो । बैठकले राष्ट्रिय सभा उपाध्यक्षको उम्मेदवार चयन गर्नेलगायत एजेन्डा रहेको पार्टीका मुख्यसचिव कृष्णप्रसाद पौडेलले जानकारी दिए ।

संसदीय दलको कार्यसमितिमा संसदीय दलका नेता, प्रमुख सचेतक र महामन्त्री रहने व्यवस्था छ । बैठकमा सभापति देउवा, वरिष्ठ नेता रामचन्द्र पौडेल, उपसभापति पूर्णबहादुर खड्का, धनराज गुरुङ, महामन्त्री गगन थापा, कांग्रेस कार्यालयका मुख्य सचिव कृष्णप्रसाद पौडेललगायत उपस्थित छन् ।

राष्ट्रिय सभाको उपाध्यक्षको निर्वाचनमा माघ २३ गते हुँदैछ । राष्ट्रिय सभामा कांग्रेसको बहुमत नभए पनि उम्मेदवार बनाउने कि माओवादीको उम्मेदवारलाई समर्थन गर्ने भन्ने विषयमा निर्णय गर्ने भएको छ ।

आजको बैठकमा समसामयिक राजनीति र राष्ट्रपतिको उम्मेदवारबारे पनि छलफल हुने बुझिएको छ । वर्तमान गठबन्धनमा विवाद सुरु भइसकेकाले कांग्रेसले उपयुक्त र सर्वमान्य नेतालाई राष्ट्रपतिको उम्मेदवार बनाउने नेताहरुले बताइसकेका छन् ।

यस विषयमा आजको बैठकमा छलफल हुने भएको छ । निर्वाचन आयोगले फागुन १३ गते राष्ट्रपतिको उम्मेदवार मनोनयनको कार्यतालिका सार्वजनिक गरेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कोरोना महामारीका बेला शेरबहादुर देउवाको माग : ‘एमसीसी पारित हुनुपर्छ’

शेरबहादुर देउवालाई तत्कालै चाहियो एमसीसी, पार्टी बैठकमा यस्तो बोले !

कम्युनिस्टको मुखमा बुझो लगाउने गरी बोले देउवा, भ्रमको खेती नगर्न चेतावनी

देउवालाई भेट्न नेम्वाङ पुगे बुढानिलकण्ठ, के पाक्दैछ खिचडी ?

नेकपा फुटको संघारमा रहेको बेला ओली समुहलाई देउवाले दिए यस्तो जवाफ