काठमाडौं- राजनीतिमा कहिले के हुन्छ भनेर भविष्यवाणी गर्न सकिन्न । पुस १० गतेसम्म नेपाली कांग्रेसका सभापति शेरबहादुर देउवा प्रधानमन्त्री थिए । तर सँगै गठबन्धनमा रहेका माओवादी केन्द्रका अध्यक्ष पुष्पकमल दाहाल प्रचण्ड एमालेको सहयोगमा प्रधानमन्त्री नियुक्त भए । सत्ताको केन्द्रमा रहेको कांग्रेस एकैपटक सडकमा आइपुग्यो ।

मंसिर ४ गतेसम्म देशभर राष्ट्रिय स्वतन्त्र पार्टीको हाईहाई थियो । मतगणना सकिने बेलासम्म रास्वपाले सात सिट प्रत्यक्षमा र १३ सिट समानुपातिकमा गरेर २० सिट जित्यो । तर रास्वपालाई सरकारमा जाने म्यान्डेट थिएन । रास्वपाका सभापति रवि लामिछाने एक्कासि सरकारमा गए । उपप्रधान तथा गृहमन्त्री नियुक्त भए । सबैतिर उनको हाईहाई भयो । तर नागरिकता विवादमा उनको सांसद पद नै खारेज भयो ।

आफूले सानदार ढंगले जिताएर पठाएको जनप्रतिनिधिको पद दुई महिनामै खारेज होला, चितवन २ जनप्रतिनिधिविहीन होला भन्ने त्यहाँका मतदाताले कल्पनासम्म गरेका थिएनन् । तर, भइदियो त्यस्तै । सर्वोच्च अदालतले नागरिकता प्रकरणमा लामिछानेको सांसद पद खारेज गरेसँगै उनी अहिले सामान्य नागरिक बनेका छन् । उनी अहिले मतदातासमेत छैनन् । किनभने पुरानो नागरिकताका आधारमा मतदाता बनेका त्यो पनि खारेज भएको छ ।

संसद् सचिवालयले रवि लामिछाने सांसद नरहेको सूचना जारी गर्ने तयारी गरेको छ । सर्वोच्चले लामिछानेविरुद्धको मुद्दामा गत शुक्रबार सुनाएको फैसला आइतबार संसद् सचिवालयमा पठाएको छ । फैसलाअनुसार संसद् सचिवालयले लामिछानेको प्रतिनिधिसभा सदस्य पद खारेज भएको सूचना जारी गर्नेछ ।

प्रतिनिधिसभा नियमावलीको नियम २१२ बमोजिम सचिवालयले स्थान रिक्तताको विषयमा प्रतिनिधिसभा बैठकलाई जानकारी दिनुपर्ने वा बैठक चाल्रू नरहेको अवस्थामा सभामुखले त्यस्तो जानकारी सूचनापत्रमा प्रकाशन गराउनुपर्छ । प्रतिनिधिसभामा लामिछानेको स्थान रिक्त भएको जानकारी गराएपछि संसद् सचिवालययले मन्त्रिपरिषद् र निर्वाचन आयोगलाई पनि यो सूचना दिनुपर्नेछ, जसलाई नेपाल राजपत्रमा प्रकाशन गरिन्छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

रवि लामिछानेले आफ्नो श्रीमानलाई ऋषिमुनि भनेपछि रिसाइन् एलिजा गौतम, दिइन् यस्तो जवाफ

कांग्रेसबाट चुनाव लड्ने भए रवि लामिछाने, मन्त्री बन्ने पक्का! 

रवि लामिछानेका दाजुभाइबीच ठूलो लफडा, स्वतन्त्र उम्मेदवारहरुबीच खैलाबैला 

राजनीतिमा रवि लामिछानेः ‘रवीन्द्र मिश्र भा २’

रवि लामिछानेको दोहोरो चरित्र, परिवारवादको विरोध गरेर श्रीमतिलाई नै बनाए हर्ताकर्ता! 

दल दर्ता नहुँदै रवि लामिछानेलाई लाग्यो ठूलो झट्का, चौतर्फी खैलाबैला!