राजनीतिक बिशेष
आज साँझसम्म गृहमन्त्री नबनाए सरकारबाट बाहिरिने रविको प्रचण्डलाई चेतावनी
आज साँझसम्म गृहमन्त्री नबनाए सरकारबाट बाहिरिने रविको प्रचण्डलाई चेतावनी
काठमाडौं - राष्ट्रिय स्वतन्त्र पार्टीका सभापति रवि लामिछानेले प्रधानमन्त्री पुष्पकमल दाहाल प्रचण्डलाई मंगलबार साँझसम्म गृहमन्त्री नियुक्त गर्न अल्टिमेटम दिएका छन् ।
यदि आज साँझसम्म गृहमन्त्री नियुक्ति नगरे सरकारबाट बाहिरिने लामिछानेले प्रधानमन्त्रीलाई चेतावनी दिएका हुन् । मंगलबार बिहान प्रधानमन्त्री प्रचण्ड भेट्न बालुवाटार पुगेर रविले यस्तो चेतावनी दिएका हुन् । रविको सांसद पद खारेज भएसँगै उनले उपप्रधान तथा गृहमन्त्रीबाट राजीनामा दिएका थिए ।
त्यसपछि प्रधानमन्त्री प्रचण्डले गृह मन्त्रालय आफैंसँग राखेका छन् । अहिले प्रचण्ड गृह आफैंले राख्ने मनस्थितिमा देखिएका छन् । तर एमाले अध्यक्ष केपी ओलीले रविलाई पुनः गृहमन्त्री नियुक्त गर्न दबाब दिइरहेका छन् ।
ओलीकै सल्लाहअनुसार रविले आज प्रधानमन्त्री प्रचण्डलाई भेटेर साँझसम्मको अल्टिमेटम दिएको स्रोतले बताएको छ । रास्वपा सरकारबाट बाहिरिएमा प्रचण्ड नेतृत्वको सरकार अल्पमतमा भने पर्ने छैन ।
किनभने प्रचण्ड अल्पमतमा पर्न १३८ भन्दा तल सांसदको संख्या हुनुपर्छ । तर अहिले प्रचण्डसँग दुई तिहाइ बढीको समर्थन छ । सोही कारण रास्वपा सरकारबाट बाहिरिँदैमा आकाश नै नखस्ने विश्लेषण हुन थालेको छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४