काठमाडौं - निर्वाचनको मतपरिणाम आएलगत्तै एमाले अध्यक्ष केपी ओलीले जनताले कुनै पनि दललाई बहुमत नदिएर गल्ती गरेको टिप्पणी गरेका थिए ।

हंग पार्लियामेन्ट लामो समयसम्म नटिक्ने उनको दाबी थियो । अझ राष्ट्रिय स्वतन्त्र पार्टी र राप्रपाको उदयले त ओलीलाई निकै ठूलो झड्का दिएको थियो । अघिल्लो निर्वाचनमा एक्लै ८० सिट जितेको एमाले ४४ सिटमा खुम्चिएपछि नेताहरू खुसी छैनन् ।

एकाएक माओवादी केन्द्रका अध्यक्ष पुष्पकमल दाहाल प्रचण्डले समीकरण फेरेपछि एमाले नेताहरूको मुुहार हँसिलो हुन थालेको हो । तर नयाँ सरकारमा रास्वपाका रवि लामिछाने र राप्रपाका राजेन्द्र लिङ्देनको चर्चा परिचर्चा एमाले नेताहरूलाई फिटिक्कै खुसी छैनन् भन्ने कुरा एमाले उपमहासचिव प्रदीप ज्ञवालीले पुष्टि गरेका छन् ।

एमालेका उपमहासचिव ज्ञवालीले राष्ट्रिय स्वतन्त्र पार्टीको उदय पुराना नेता र सरकारको आलोचना गरेर उदाएको बताएका छन् । एमाले स्कुल विभागले बुधबार आयोजना गरेको प्रशिक्षण कार्यक्रमलाई सम्बोधन गर्दै उनले भने, ‘अहिले दुई खालका पार्टीहरू सतहमा देखिए ।

एउटा पपुलिष्टहरू उनीहरूको खास आइडोलोजी देखिँदैन । तर, हिजोको सत्ता, सरकार, पार्टी र नेताहरूलाई आलोचना गरेर आएका छन् ।’ रास्वपा सभापति तथा उप्रधान तथा गृहमन्त्री रवि लामिछानेलाई लक्षित गर्दै उनले आलोचना र असन्तुष्टिको जगमा खडा भएका पपुलिजम, लोकप्रियतावादी शक्ति भएको उनको टिप्पणी थियो ।

‘पछिल्लो समय उदाएकाहरू भोलि कुन ढंगले अगाडि बढ्छन् । हामीले केही समय पर्खिनुपर्नेछ । यहाँ मात्रै नभएर अन्य देशमा पनि यस्ता शक्ति उदाएर पछि ठूलो समस्या निम्त्याएका छन् । त्यसको पछिल्लो उदाहरण युक्रेन हो ।

युक्रेनका राष्ट्रपति भ्लोदिमिर जेलेन्स्की एउटा टिभी शोका कमेडियन थिए । तर, अहिले उनी राष्ट्रपति भएपछिको नीतिहरूले युक्रेनलाई कहाँ पुर्‍याएको छ,’ ज्ञवालीले भनेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

रवि लामिछानेले आफ्नो श्रीमानलाई ऋषिमुनि भनेपछि रिसाइन् एलिजा गौतम, दिइन् यस्तो जवाफ

कांग्रेसबाट चुनाव लड्ने भए रवि लामिछाने, मन्त्री बन्ने पक्का! 

रवि लामिछानेका दाजुभाइबीच ठूलो लफडा, स्वतन्त्र उम्मेदवारहरुबीच खैलाबैला 

राजनीतिमा रवि लामिछानेः ‘रवीन्द्र मिश्र भा २’

रवि लामिछानेको दोहोरो चरित्र, परिवारवादको विरोध गरेर श्रीमतिलाई नै बनाए हर्ताकर्ता! 

दल दर्ता नहुँदै रवि लामिछानेलाई लाग्यो ठूलो झट्का, चौतर्फी खैलाबैला!