काठमाडौं– उपप्रधान एवं गृहमन्त्री रवि लामिछानेले गृह मन्त्रालयले नियम र प्रक्रियाभन्दा बाहिर केही पनि नगर्ने भन्दै कतैबाट पनि दबाब नदिन आग्रह गरेका छन् ।

बिहीबार प्रतिनिधिसभाको बैठकमा सभामुख पदको निर्वाचनअघि नेपाली कांग्रेसका सांसद रामहरि खतिवडाले नेकपा ९एमाले०का सांसद लक्ष्मी महतो कोइरीको नाम नलिईकन हत्या अभियुक्त सांसदलाई पक्राउ गर्न र सभामुखको निर्वाचनमा सहभागी नहुने ग्यारेन्टी गर्न ध्यानाकर्षण गराएका थिए ।

उनको ध्यानाकर्षणपछि एमालेका सांसद देवराज घिमिरेलाई सभामुखमा निर्वाचित गर्ने प्रस्तावको समर्थन गर्न गएका गृहमन्त्री लामिछानेले जवाफका क्रममा यस्तो बताएका हुन् ।

‘एकजना माननीयज्यूले हत्या अभियुक्तलाई पक्राउ गर्न मेरो ध्यानाकर्षण गराउनुभयो । गृह मन्त्रालय विधि र प्रक्रियाभन्दा बाहिर केही पनि गर्दैन । मैले यसअघि पनि भनेको थिएँ, कतैबाट पनि प्रभावित पार्ने र दबाब सिर्जना गर्ने काम नगर्नु होला,’ गृहमन्त्री लामिछानेले भने, ‘निष्पक्ष रूपमा काम गर्ने वातावरण बनाइदिनुहुन आग्रह गर्दछु ।’ 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

रवि लामिछानेले आफ्नो श्रीमानलाई ऋषिमुनि भनेपछि रिसाइन् एलिजा गौतम, दिइन् यस्तो जवाफ

कांग्रेसबाट चुनाव लड्ने भए रवि लामिछाने, मन्त्री बन्ने पक्का! 

रवि लामिछानेका दाजुभाइबीच ठूलो लफडा, स्वतन्त्र उम्मेदवारहरुबीच खैलाबैला 

राजनीतिमा रवि लामिछानेः ‘रवीन्द्र मिश्र भा २’

रवि लामिछानेको दोहोरो चरित्र, परिवारवादको विरोध गरेर श्रीमतिलाई नै बनाए हर्ताकर्ता! 

दल दर्ता नहुँदै रवि लामिछानेलाई लाग्यो ठूलो झट्का, चौतर्फी खैलाबैला!