काठमाडौं- सशस्त्र प्रहरी जवान थमन बिकको हत्या अभियोगमा फरार रहेका एमाले सांसद लक्ष्मी महतो कोइरीले आज सभामुख निर्वाचनमा मत हाल्ने भएका छन् । अहिले पनि उनी निर्वाध संसद् आउजाउ गरिरहेका छन् । प्रहरीले पक्राउ गर्न सकेको छैन । केही दिनअघि गृहमन्त्री रवि लामिछानेले कोइरीलाई पक्राउ गर्न प्रहरीलाई निर्देशन दिएको भनिए पनि त्यो प्रचार मात्र भएको खुलेको छ । गृहमन्त्री लामिछानेको निजी सचिवालयमा रहेका एक सहयोगीले प्रहरी महानिरीक्षक धिरजप्रताप सिंहलाई फोन गरेर कोइरीलाई पक्राउ गर्न भनेको, तर रविले नभनेको खुलेको छ ।

प्रहरीको फरार सूचीमा रहेकै बेला महोत्तरी–१ बाट निर्वाचित कोइरीले पुस ७ गते प्रतिनिधिसभा सदस्यको शपथ लिएका थिए । उनले पुस २६ मा संघीय संसद्‍मा गएर प्रधानमन्त्री पुष्पकमल दाहाल प्रचण्डलाई विश्वासको मत दिएका थिए । कोइरी मधेस आन्दोलनका बेला सशस्त्र प्रहरीका सहायक निरीक्षक थमन विकको हत्यासम्बन्धी मुद्दामा उच्च अदालतबाट थुनामा राख्न आदेश सुनाइएका व्यक्ति हुन् ।

२०७२ भदौ २५ मा आन्दोलनकारीको कुटाइबाट गम्भीर घाइते भएका विकलाई उपचारका लागि जनकपुर लैजाने क्रममा एम्बुलेन्सबाट थुतेर हत्या गरिएको थियो । उक्त घटनामा मुद्दा चलेपछि जिल्ला अदालत महोत्तरीले ०७६ असोज २ मा कोइरीलाई एक लाख रुपैयाँ धरौटीमा छाड्ने आदेश दिएको थियो । जनकपुर उच्च अदालतले ०७७ मंसिर १९ मा जिल्लाको आदेश उल्ट्याएर कोइरीलाई थुनामै राखेर मुद्दा अघि बढाउन आदेश दियो । त्यसयता उनी फरारको सूचीमा छन् । फरारकै सूचीमा रहेका कोइरीलाई एमाले अध्यक्ष केपी ओलीले पार्टी प्रवेश गराई चुनाव जिताएका थिए । उनले माओवादी केन्द्रका नेता गिरिराजमणि पोखरेललाई पराजित गरेका थिए ।

प्रतिनिधिसभा सदस्यको शपथग्रहणकै दिन प्रहरी प्रधान कार्यालयले संसद् सचिवालयलाई पत्र लेखेर फरारको सूचीमा रहेका कोइरीलाई संसद्को कामकारबाहीमा संलग्न नगराई सहयोग गरिदिन आग्रह गरेको थियो । प्रहरीको पत्रपछि पनि कोइरी प्रधानमन्त्रीलाई विश्वासको मत दिन बैठकमा सहभागी भएका थिए । कतिसम्म भने गृहमन्त्री लामिछानेसँगै लाइनमा बसेर कोइरीले प्रधानमन्त्रीलाई विश्वासको मत दिएका थिए । 

कोइरी बिहीबार सभामुखको निर्वाचनमा पनि सहभागी हुने बताइएको छ । प्रधानमन्त्रीलाई विश्वासको मत दिने बेला कोइरी एमाले अध्यक्ष केपी ओलीको गाडीमा आएको प्रहरी उच्च स्रोतले बताएको छ । गृहमन्त्री लामिछानेको नागरिकता र राहदानी विवादमा सर्वोच्च अदालतमा रहेको मुद्दा फैसला नभएसम्म कोइरीलाई पक्राउ गर्न प्रहरी हच्किएको छ । सोही कारण अहिले गृहमन्त्री लामिछाने ओलीले बस भने बस, उठ भने उठको अवस्थामा छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

रवि लामिछानेले आफ्नो श्रीमानलाई ऋषिमुनि भनेपछि रिसाइन् एलिजा गौतम, दिइन् यस्तो जवाफ

कांग्रेसबाट चुनाव लड्ने भए रवि लामिछाने, मन्त्री बन्ने पक्का! 

रवि लामिछानेका दाजुभाइबीच ठूलो लफडा, स्वतन्त्र उम्मेदवारहरुबीच खैलाबैला 

राजनीतिमा रवि लामिछानेः ‘रवीन्द्र मिश्र भा २’

रवि लामिछानेको दोहोरो चरित्र, परिवारवादको विरोध गरेर श्रीमतिलाई नै बनाए हर्ताकर्ता! 

दल दर्ता नहुँदै रवि लामिछानेलाई लाग्यो ठूलो झट्का, चौतर्फी खैलाबैला!