काठमाडौं - नेपाली राजनीतिमा अहिले कांग्रेस सभापति शेरबहादुर देउवा र माओवादी केन्द्रका अध्यक्ष पुष्पकमल दाहाल प्रचण्डबीच के कुरा नमिलेर गठबन्धन भाँडियो भन्ने विषय सर्वाधिक चासो बनेको छ ।

यस विषयमा न त प्रचण्ड, न त देउवाले नै मुख खोलेका छन् । आफूले राखेको प्रस्ताव नमानेको भन्दै पुस १० गते बालुवाटारबाट बाहिरिएका प्रचण्ड बालकोट पुगेर केपी ओलीको सहयोगमा प्रधानमन्त्री नियुक्त भएका थिए ।

आफूहरूले प्रचण्डले राखेको प्रस्तावलाई हल्का ढंगले लिँदा गठबन्धन टुटेको अहिले कांग्रेस संस्थापन पक्षले स्वीकार गरेको छ । स्वयं कांग्रेस सभापति देउवाले पनि यसबारे गम्भीर भूल भएको महसुस गरेका छन् । प्रधानमन्त्रीबाट हटेको तीन दिनपछि बालुवाटार छाडेर धुम्बाराहीस्थित निवासमै बसिरहेका देउवाले विस्तारै सक्रियता बढाएका छन् ।

उनले पार्टी निकट नेताहरूसँग भेटघाट गर्ने, छलफल गर्ने, भ्रातृसंगठनलाई पूर्णता दिनेलगायतको गृहकार्य गरेका छन् । देउवाले नेविसंघका अध्यक्ष दुजाङ शेर्पा र तरुण दलका अध्यक्ष विद्वान गुरुङलाई संगठनलाई पूर्णता दिन इतर पक्षका नेताहरूसँग छलफल थाल्न निर्देशन पनि दिइसकेका छन् ।

सत्ता गुमेको ह्याङबाट कांग्रेसका नेताहरू अहिले विस्तारै खुल्न थालिसकेका छन् । सबैले अहिले के त्यस्तो कारण थियो, प्रचण्ड पहिले नै प्रधानमन्त्री बन्न चाहेको कारण खोजिरहेका छन् ।

यस विषयमा देउवाले आफू निकट नेताहरूलाई कुरा चुहाउन थालेका छन् । कांग्रेस नेताहरूका कारण पुस १० गतेको बालुवाटार बैठकमा प्रचण्डले पहिलो कार्यकाल आफू दुई वर्ष प्रधानमन्त्री बन्ने र त्यसपछि तीन वर्ष देउवालाई प्रधानमन्त्री बन्न प्रस्ताव गरेका थिए ।

तर देउवाले सुरुमा आफू दुई वर्ष प्रधानमन्त्री बन्ने र पछि तीन वर्ष प्रचण्डलाई प्रधानमन्त्री बन्न प्रस्ताव गरेका थिए । प्रचण्डले आफूलाई अहिले नै श्रीमती सीता दाहालले प्रधानमन्त्रीको रुपमा देख्न चाहेकाले जसरी पनि बन्नुपर्ने विवशता प्रकट गरेका थिए ।

तर कांग्रेस नेताहरूले यसलाई गम्भीर ढंगले नलिँदा बुमर्याङ भएको अनुमान गरिएको छ । प्रचण्डले कांग्रेस नेताहरूसँग जे प्रस्ताव गरेका थिए, त्यही प्रस्ताव एमाले अध्यक्ष केपी ओलीसमक्ष राखेका थिए ।

ओलीले तत्काल केही नसोची प्रचण्डलाई प्रधानमन्त्रीमा प्रस्ताव गरेर समर्थन जनाइदिए । कांग्रेस नेताहरू प्रचण्ड प्रधानमन्त्रीमा नियुक्त हुन राष्ट्रपति कार्यालय शीतल निवासमा चिठी पुगेको खबर सुनेपछि मात्र होसमा आएका थिए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कोरोना महामारीका बेला शेरबहादुर देउवाको माग : ‘एमसीसी पारित हुनुपर्छ’

शेरबहादुर देउवालाई तत्कालै चाहियो एमसीसी, पार्टी बैठकमा यस्तो बोले !

कम्युनिस्टको मुखमा बुझो लगाउने गरी बोले देउवा, भ्रमको खेती नगर्न चेतावनी

देउवालाई भेट्न नेम्वाङ पुगे बुढानिलकण्ठ, के पाक्दैछ खिचडी ?

नेकपा फुटको संघारमा रहेको बेला ओली समुहलाई देउवाले दिए यस्तो जवाफ