काठमाडौं - गत स्थानीय तहको निर्वाचनमा सर्लाहीका २० मध्ये १२ स्थानीय तहमा नेपाली कांग्रेसले जित हात पारेको थियो ।

पार्टीभित्र अन्तर्घात नभएको भए अझै दुई पालिका कांग्रेसले जित्ने थियो । कांग्रेसको बलियो पकड भए पनि प्रतिनिधिसभाको निर्वाचनमा गठबन्धनका कारण कांग्रेसको भागमा सर्लाही २ मात्र परेको छ ।

जसकारण सर्लाहीमा धेरै कांग्रेसीमा चिन्ता देखिएको छ । कांग्रेसको भागमा सर्लाही ४ परेको छ । सो निर्वाचन क्षेत्र पनि अहिले चर्चामा छ । कारण कांग्रेसले पहिले जितेका सांसद अमरेशकुमार सिंहलाई टिकट नदिई नागेन्द्र रायलाई दिएपछि चर्चा बढेको हो ।

पार्टीले टिकट नदिएपछि तिल्मिलाएर अमरेश बागी उठेका छन् । कांग्रेस महाधिवेशनका बेला आफ्नै वडाबाट प्रतिनिधि हारेका सिंह टिकटको दावेदार थिए । तर, स्थानीय चुनावमा अन्तर्घात गरेको भन्दै कांग्रेसको जिल्ला कमिटीले कारवाही गरेपछि उनको नाम सिफारिसमै परेन ।

त्यसपछि बागी हालेका हुन् । सर्लाही ४ मा कांग्रेस उम्मेदवार नागेन्द्र राय बलियो देखिएका छन् । स्वतन्त्र उम्मेदवारी दिएका सिंह कमजोर छन् । उनलाई मतदाताले खासै रेस्पोन्स गरेका छैनन् । सो क्षेत्रमा माओवादीको बागी पनि परेको छ ।

यस्तो रस्साकस्सीको बीचमा अमरेशकुमार सिंहले बिहीबार माओवादी केन्द्रका अध्यक्ष पुष्पकमल दाहाल प्रचण्ड भेट्न खुमलटारमा भेटेका छन् ।

कांग्रेस निवर्तमान सांसदसमेत रहेका उनी बिहान सवा सात बजे खुमलटार छिरेका थिए । प्रचण्ड भेट्न लामो समय पाएका सिंह साढे आठको हाराहारीमा त्यहाँबाट बाहिरिएको बताइएको छ । उनले आफूलाई भारतीय संस्थापन पक्षको प्रतिनिधिको रुपमा परिचय दिँदै आएका छन् ।

तर चुनावको प्रचारप्रसारका बेला सिंह किन सर्लाही छाडेर प्रचण्डसँग भेट्न खुमलटार आइपुगे भन्ने चासो उत्पन्न भएको छ । उनले तारन्तार प्रचण्डलाई भेट गरिरहेका छन् ।

सिंह खुमलटारमा धेरै प्रवेश पाउनेभारतीयमध्येका एक हुन् । आगामी निर्वाचनमा लज्जास्पद ढंगले हार्ने भएपछि उनी अहिलेदेखि नै रन्थनिएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

पाँच हजार मान्छे मारेको जिम्मा लिएका प्रचण्डलाई १ लाख २५ हजार बर्ष जेल !

प्रचण्डका घरबेटीको धरौटी जफत गर्दैमा कृषिमन्त्रीज्यू तपाईको नाक जोगियो त ?

प्रचण्ड र बादलको दोस्रो पटक ‘ब्रेकअप’

सांसद अमरेश सिंहको राजीनामाले कांग्रेसमा तरङ्ग, बिमलेन्द्र निधिमाथि गम्भीर आरोप (पूर्णपाठ)

आफ्नै दम्भले केन्द्रीय प्रतिनिधिमा पराजित भए अमरेश, सहमहामन्त्रीमा उम्मेदवारी दिने योजना चौपट

देउवालाई प्रधानमन्त्री अफर गर्दा क्वाँ–क्वाँ रोएका रहेछन् प्रचण्ड, यसरी भयो खुलासा!