काठमाडौं - सरकारले समयमै मल आयात नगरेका शैलुङ इन्टरप्राइजेज प्रालि र होनिको मल्टिपल प्रालिको ठेक्का सम्झौता रद्द गरेको छ ।

सम्झौताअनुसार भदौ २० गतेसम्म मल नल्याएपछि कृषि सामग्री कम्पनीले ठेक्का रद्द गरी धरौटी रकम जफतको निर्णय गरेको हो । शैलुकङ इन्टरप्राइजेज नेकपाका अध्यक्ष पुष्पकमल दाहाल प्रचण्डका घरबेटी हुन् ।

खुमलटारस्थित अधिकारीकै घरमा प्रचण्ड बस्दै आएका छन् । कृषि तथा पशुपन्छी विकासमन्त्री घनश्याम भुसालका अनुसार शैलुङको करिब चार करोड ८० लाख र होनिकोको करिब चार करोड ८० लाख रुपैयाँ धरौटी जफत भएको छ ।

शैलुङ र होनिकोले २५–२५ हजार टन युरिया आयात गर्ने ठेक्का पाएका थिए । तर, सरकारले ठेकेदारको धरौटी रकम जफत गर्दैमा किसानले मल पाए त ? गम्भीर प्रश्न हो यो । यसै पनि यस वर्ष किसानले युरिया मल नहालीकनै धान फलाउँदैछन् ।

जसले गर्दा धान उत्पादन स्वाठ्ठै घट्ने देखिएको छ । यदि समयमै मल ल्याउने ठेकेदारको धरौटी जफत गरी अर्कैलाई टेन्डर दिई मल ल्याएर किसानलाई वितरण गरेको भए कृषिमन्त्री भुसालको नाक जोगिन्थ्यो ।

भुसालले आगामी हिउँददेखि मलको अभाव नहुने बताएका छन् । के अब धान हिउँदमै रोप्नुपर्ने हो मन्त्रीज्यू ? जनताले प्रश्न गर्न थालेका छन् ।

मन्त्री भुसालले असोजपछि मल अभाव हुँदैन भन्नुलाई अहिले जनताले लगनपछि पोतेको के काम भन्न थालेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

पाँच हजार मान्छे मारेको जिम्मा लिएका प्रचण्डलाई १ लाख २५ हजार बर्ष जेल !

प्रधानमन्त्रीले युरिया मल पैंचो माग्नुपरेपछि घनश्याममाथि ओली र बाबुरामको प्रहार

प्रचण्डका घरबेटीको बचाउ गर्दै कृषिमन्त्री भुसाल, मल अभावबारे दिए यस्तो अभिव्यक्ति

प्रचण्डका घरबेटीसामु कृषिमन्त्री भुसाल निरीह, कारबाही गर्ने दिन भदौ २० को मिति नाघ्यो

प्रचण्डका घरबेटीको दिन गन्ति सुरु, यस्तो छ भित्रि खेल !

अन्ततः प्रचण्डका घरबेटीमाथि भयो कारबाही !