काठमाडौं– पूर्वसञ्चारकर्मी एवं राष्ट्रिय स्वतन्त्र पार्टीका सभापति रवि लामिछाने मनोनयन दर्तापछि गुमनाम छन् । पत्रकारिता छाडेर राजनीतिमा प्रवेश गर्दा ठूलो तामझाम देखाएका लामिछानेले अन्तिम दिन मात्र चितवन २ बाट उम्मेदवारी दर्ता गराए । 

यसअघि देशभर भेला गरेर हिँडेका लामिछानेले आफू चितवन ३ बाट उठ्ने बताउँदै आएका थिए । किनकि चितवन ३ मा माओवादी केन्द्रका अध्यक्ष पुष्पकमल दाहाल प्रचण्ड उठ्ने तयारी थियो । रवि चितवन ३ मा आउने सुइँको पाएपछि प्रचण्डले कहाँबाट उम्मेदवारी दिने भन्ने कतै खुलाएनन् । मनोनयन दर्ताको तीन दिनअघि मात्र प्रचण्डले गोरखा २ बाट उठ्ने निर्णय गरे । त्यसपछि रवि लामिछानेको प्रचण्डसँग चुनाव लड्ने सपनामा तुषरापात लाग्यो । किनभने उनले पहिले नै प्रचण्डको निर्वाचन क्षेत्र चितवन ३ बाट उठ्ने भित्री तयारी गरेका थिए ।

चितवन ३ छाडेर प्रचण्ड गोरखा २ तिर हानिएपछि रवि असमञ्जसमा परे । चितवन ३ मा राप्रपा उपाध्यक्ष विक्रम पाण्डे पनि उम्मेदवार छन् । प्रचण्ड गोरखा लागेलगत्तै रविमाथि ससुरा उद्धव पौड्यालको ठूलै दबाब प¥यो चितवन ३ मा नउठ्न । चितवन ३ का अधिकांश मतदाता भरतपुर महानगरपालिकाका छन् । त्यही भएर सहरी मतदातालाई प्रभावित पार्न सकिनेमा रवि विश्वस्त थिए । तर ससुराकै कारण रवि चितवन ३ छाडेर चितवन २ मा उम्मेदवारी दर्ता गर्न बाध्य भएको स्रोतले बतायो । 

विक्रम पाण्डे उद्धव पौड्यालका साथी हुन् । दुवै एउटै पार्टीमा छन् । सोही कारण रवि उठ्दा आफूलाई अप्ठेरो पर्ने पाण्डेले बताएपछि पौड्यालले निर्वाचन क्षेत्र रविलाई सुझाव दिएको बुझिएको छ । रविले निर्वाचन क्षेत्र परिवर्तन गरेसँगै अहिले चितवनमा उनीमाथि आक्रोश बढेको छ । जसकारण उनको राष्ट्रिय स्वतन्त्र पार्टीले पाउने समानुपातिक मत पनि प्रभावित हुने बताइन्छ । किनकि राष्ट्रिय पार्टी बन्न एक प्रत्यक्ष निर्वाचित सांसद र ३ प्रतिशत थ्रेस होल्ड कटाउनै पर्ने बाध्यता छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

रवि लामिछानेले आफ्नो श्रीमानलाई ऋषिमुनि भनेपछि रिसाइन् एलिजा गौतम, दिइन् यस्तो जवाफ

कांग्रेसबाट चुनाव लड्ने भए रवि लामिछाने, मन्त्री बन्ने पक्का! 

रवि लामिछानेका दाजुभाइबीच ठूलो लफडा, स्वतन्त्र उम्मेदवारहरुबीच खैलाबैला 

राजनीतिमा रवि लामिछानेः ‘रवीन्द्र मिश्र भा २’

रवि लामिछानेको दोहोरो चरित्र, परिवारवादको विरोध गरेर श्रीमतिलाई नै बनाए हर्ताकर्ता! 

दल दर्ता नहुँदै रवि लामिछानेलाई लाग्यो ठूलो झट्का, चौतर्फी खैलाबैला!