काठमाडौं - अभिनेत्री करिश्मा मानन्धर स्थानीय तहको निर्वाचन अगाडि बडो तामझामका साथ एमाले प्रवेश गरिन् ।

त्यसका लागि उनले दुई तीन राउन्ड एमाले अध्यक्ष केपी ओलीको निवास बालकोट धाइन् । उनलाई बालकोट लैजानेमा कोमल वली पनि एक हुन् ।

आगामी प्रदेश र प्रतिनिधिसभा निर्वाचनमा करिश्माले एमालेबाट टिकटको अपेक्षा गरेकी थिइन् । पाए संघ नपाए प्रदेशमा भए पनि चुनाव लड्ने उनको आकांक्षा थियो । उनी निकट एमाले नेता कार्यकर्ताका अनुसार करिश्माले ललितपुर १ (ख) मा टिकट पाउने आशा राखेकी थिइन् ।

तर एमालेले पुरानै अनुहारलाई टिकट दियो । त्यसपछि करिश्मा फायर भएकी छन् । आइतबार देशभर उम्मेदवारी मनोनयनको कार्यक्रम थियो । तर, करिश्मा भने आफ्नो घरबाट मुस्किलले पाँच मिनेटको दूरीमा पर्ने गोदावरी नगरपालिकास्थित मुख्य निर्वाचन अधिकृतको कार्यालय गइनन् ।

स्रोतका अनुसार आफूलाई टिकट नदिइएपछि उनी एमाले उम्मेदवारको मनोनयन कार्यक्रममा सरिक नभएकी हुन् । ललितपुर १ मा संघअन्तर्गत एमालेले करिश्माकै छिमेकी नवराज सिलवाललाई टिकट दिएको छ ।

करिश्माले आइतबार साँझ सामाजिक सञ्जाल फेसबुकमा लेखिन्, ‘म जनताको मात्रै मान्छे हुँ । म करिश्मा मानन्धर भनेर चिनारी दिने नेकपा एमालेलाई धन्यवाद । अब सुरुवात हो ।’ धेरैले करिश्माको यो स्टाटसलाई टिकट नपाएको आक्रोश मानेका छन् । करिश्माले सोमबार बिहान फेरि लेखिन्, ‘विद्रोह नगर्ने स्वभाव रह्यो । नगर्दा पनि भगवानले सबै दिए । तर आज महसुस हुँदै छ । बन्द कोठामा बस्नुभन्दा बाहिर निस्केर श्वास फेर्नु राम्रो ।’ यो स्टाटसले कतै करिश्माले एमाले छाड्न लागेकी त होइनन् भन्ने विश्लेषण गरेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

करिश्माको ललितपुरमा इन्ट्री हुँदै, सिलवालको दिनगन्ती सुरु

सूर्जेकुमारी अर्थात् करिश्मा जुन पार्टी पस्यो, त्यो पार्टी सखाप

करिश्मा मानन्धरमाथि अर्को आपत, साइबर क्राइमको मुद्दा पर्दै

करिश्माको व्यंग्य– ५० हजार जरिवाना गरेर बालेनले ‘बगान’ को पाँच लाखको विज्ञापन गरिदिए