काठमाडौं - निर्वाचन आयोगले आगामी असोज २ र ३ गते समानुपातिकतर्फ उम्मेदवारको बन्दसूची बुझाउन कार्यतालिका निकालेको छ ।

असोज २३ गते प्रत्यक्षतर्फ प्रतिनिधिसभाको उम्मेदवार मनोनयनको तालिका निकालेको छ । सोहीअनुसार दलहरू अहिले धमाधम तल्ला तहबाट उम्मेदवारको नाम सिफारिस गरिरहेका छन् ।

मोटामोटी रूपमा सबैले दलले उम्मेदवारको नाम सिफारिस गरिसकेका छन् । कतै एकल त कतै एउटा निर्वाचन क्षेत्रमा पाँचजनाको नामसम्म सिफारिस भएका छन् । सबैभन्दा ठूलो समस्या अहिले एमालेका ‘१० भाइ’ लाई परेको छ ।

डेढ वर्षअघि एमालेमा विवाद आउँदा माधवकुमार नेपाललाई अन्तिममा धोका दिएका ‘१० भाइ’ मध्ये एक–दुईबाहेक कसैले पनि टिकट नपाउने भएका छन् । टिकट पाउनेले पनि आफू सुध्रिएको सहीछाप गर्नुपर्ने एमाले अध्यक्ष केपी ओलीले स्पट रूपमा भनिसकेका छन् ।

युवराज ज्ञवाली, अष्टलक्ष्मी शाक्य, भीम रावल, घनश्याम भुसाल, सुरेन्द्र पाण्डे, योगेश भट्टराई, गोकर्ण विष्ट, भीम आचार्य, रघुजी पन्त, अमृतकुमार बोहराले अन्तिम समयमा माधव नेपाललाई धोका दिएर ओलीलाई साथ दिएका थिए ।

अहिले भीम रावलबाहेक कोही पनि एकल सिफारिस भएका छैनन् । रावल भने अछाममा एकल सिफारिस परेका छन् । युवराज ज्ञवाली, अष्टलक्ष्मी शाक्य र अमृतकुमार बोहरा सिफारिसमै परेका छैनन् ।

योगेश, घनश्याम, रघुजी, सुरेन्द्र, गोकर्ण सर्वसम्मत सिफारिस भएका छैनन् । उनीहरूसँगै निर्वाचन क्षेत्रमा अरुको पनि सिफारिस भएका छन् ।

शनिबार कान्तिपुर कन्क्लेभमा एमाले अध्यक्ष ओलीले ‘१० भाइ’ अनुशासनमा नबसे र फेरि संसद् विघटन गर्दा साथ नदिने भए उनीहरूलाई अहिले टिकट नदिने स्पष्ट पारेका छन् ।

‘पार्टीमा अनुशासन कायम हुनुपर्छ । अनुशासन मान्दिनँ भन्न पाइँदैन, सुध्रनु् पर्छ,’ ओलीले भनेका थिए । त्यसैले यसपटक १० भाइको हविगत बिजोग हुने देखिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

प्रचण्डसँग मिलेर केपी ओलीले दिए कडा निर्देशन, विरोध उत्रेका सांसद के गर्लान् ?