आफूलाई भावी प्रधानमन्त्रीको निर्णय गराएपछि पाँचतारे होटलमा नाचे ओली
आफूलाई भावी प्रधानमन्त्रीको निर्णय गराएपछि पाँचतारे होटलमा नाचे ओली
काठमाडौं - एमालेले आगामी आमनिर्वाचनमा अध्यक्ष केपी ओलीलाई भावी प्रधानमन्त्रीका रुपमा अगाडि सार्ने निर्णय गरेको छ ।
पार्टीको केन्द्रीय कमिटीको शनिबार सम्पन्न चौथो बैठकले अध्यक्ष ओलीको नेतृत्वमा पार्टीले बहुमत ल्याउने गरी निर्वाचनमा जाने र उनलाई प्रधानमन्त्रीका रुपमा अगाडि सार्ने सर्वसम्मत निर्णय गरेको हो ।
पाँच दलबीच चुनावी तालमेलका लागि सिट बाँडफाँडको अन्तिम कसरत भइरहेका वेला एमालेले पूर्वप्रधानमन्त्रीसमेत रहेका अध्यक्ष ओलीलाई भावी प्रधानमन्त्रीका रूपमा अगाडि सारेको हो ।
केन्द्रीय कमिटी बैठकमा आफूलाई भावी प्रधानमन्त्रीको रूपमा अगाडि सार्ने निर्णय गराएपछि ओलीले बानेश्वरस्थित एभरेस्ट होटेलमा रात्रिभोज दिएका थिए ।
जसमा महिला नेतृहरूसहित पार्टीका धेरैजसो नेता सहभागी थिए । कार्यक्रममा ओलीले हार्मोनियम बजाएर स्वागत गरे, गिटार पनि बजाए । महिला नेतृहरूसँगै ओली पनि केही बेर नाचे का थिए । तेस्रोपटक प्रधानमन्त्री बन्ने भन्दै उनी खुसी देखिएका थिए ।
श्रीमती राधिका शाक्यलाई छेउमै राखेर उनले गिटार बजाएका थिए । ओलीलाई प्रधानमन्त्रीको रूपमा अगाडि सारेर एमालेले पार्टीमा सो पदका लागि अन्य नेता नभएको पुष्टि पनि गरेको छ । कम्युनिस्ट पार्टी विचारले चल्नुपर्नेमा नेताअनुसार चलेको भन्दै आलोचना सुरु भएको छ ।
प्रधानमन्त्रीका रूपमा असफल व्यक्तिलाई फेरि अगाडि सारिएको धेरैको भनाइ छ । सत्ता गठबन्धनमा आबद्ध दलका नेताहरू प्रधानमन्त्रीका रूपमा केपी ओलीलाई अगाडि सार्दा एमालेलाई चुनावमा कुनै फाइदा नहुने निष्कर्षमा छन् ।
पार्टीमा सर्वैसर्वा रहेकाले ओली आफूले आफैँलाई प्रधानमन्त्रीको उम्मेदवारका रूपमा अगाडि सारेका गठबन्धन दलका नेताको टिप्पणी छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४