काठमाडौं - भरतपुर महानगरपालिका माओवादी केन्द्रलाई दिने हल्लाको कांग्रेस केन्द्रीय सदस्य दिनेश कोइरालाले खण्डन गरेका छन् ।

मंगलबार दिउँसोदेखि भरतपुर महानगर मेयरमा कांग्रेसले दाबी छाडेको र माओवादी केन्द्रलाई सघाउने गरेको भन्दै आएका समाचारप्रति नेता कोइरालाले खण्डन गरेका हुन् ।

उनले मंगलबार साँझ विज्ञप्ति जारी गर्दै भरतपुर महानगर माओवादी केन्द्र वा सो पार्टीकी नेतृ रेणु दाहाललाई छाड्ने पार्टी निर्णय भइनसकेको जनाउँदै यदि त्यस्तो भए महँगो पर्ने चेतावनी पनि दिएका छन् ।

उनले कुनै पनि हालतमा भरतपुर रेणु दाहाललाई नछाड्ने भन्दै कांग्रेसकै उम्मेदवार उठाउने दाबी पनि गरेका छन् । ‘चितवनका जनताको चाहना नेपाली कांग्रेसले नै मेयर पदमा उम्मेदवारी दिनुपर्छ भन्ने हो । यो जनचाहनालाई ध्यानमा राखेर चितवनका सम्पूर्ण कांग्रेसजनले भावना तथा विचार व्यक्त गरिरहनुभएको छ,’ उनले जारी गरेको प्रेस नोटमा भनिएको छ, ‘नेपाली कांग्रेसले नै भरतपुरमा मेयर पदमा उम्मेदवारी दिन्छ ।

नेपाली कांग्रेस केन्द्रले पनि चितवनका समस्त कांग्रेसजन र आम जनताको विचार तथा भावना विपरित अन्य पार्टीलाई मेयरमा समर्थन गर्न सक्दैन ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता दिनेश कोइरालाले भने– कम्युनिस्टसँग मिलेर चुनाव लड्नु कांग्रेसका लागि आत्मघाती कदम

कोइरालाको इन्ट्रीले प्रचण्ड तनाबमा, चितवनमा सन्नाटा !

कारबाहीमा परेका कांग्रेस नेता कोइरालाले मागे जितनारायणलाई भोट