काठमाडौं - नेपाली कांग्रेस चितवनका नेता दिनेश कोइरालाले कम्युनिस्ट नेताहरूसँग भर नपर्न पार्टीको शीर्ष नेतृत्वलाई सल्लाह दिएका छन् ।

कम्युनिस्टमा अहिले देखिएको विवाद पद र सत्ताका लागि मात्र भएको भन्दै उनले पद पाएपछि उनीहरूले कांग्रेसलाई धोका दिने भन्दै उनीहरूसँग मिलेर संसदीय निर्वाचन लड्नु कांग्रेसका लागि आत्मघाती कदम हुने उनको निष्कर्ष छ ।

प्रधानमन्त्री केपी ओली, एमाले नेता माधवकुमार नेपाल, माओवादी केन्द्रका अध्यक्ष पुष्पकमल दाहाल प्रचण्ड कोही पनि विश्वसनीय नभएको उनको भनाइ छ । ‘कांग्रेस र कम्युनिष्टमा आकाश पातालको फरक छ ।

कम्युनिष्टहरु काटाकाट गर्छन् अनि एकैछिनमा चाटाचाट पनि गर्छन् । एमाले फुट्दैन, उनीहरुको सत्ता, स्वार्थ र महत्वाकांक्षी झगडाको कारण केही समय भौतारिएका मात्र हुन्,’ कोइरालाले सामाजिक सञ्जालमा लेखेका छन् ।

उनले नेपालका कम्युनिष्ट पार्टीहरु अत्यन्तै अविश्वसनीय रहेको बताउँदै सबैभन्दा अविश्वसनीय शक्ति प्रचण्डको माओवादी भएको दाबी गरेका छन् ।

‘सत्ताका लागि ओली जे पनि गर्छन् । माधव नेपालहरु कमण्डलु बोक्न राजनीतिमा लागेका होइनन् । माधव नेपालहरुको २६ सांसद्को हस्ताक्षरको भर गर्नु भूल हुन्छ । ओलीसँग मिल्न प्रयास गरिरहेका छन् । मिल्न पाएनन् भने कांग्रेससँग गठवन्धन गरेर चुनाव लड्ने दाउमा छन् ।ओलीसँग मिल्न नपाउँदा मात्र यिनलाई कांग्रेस चाहिएको हो,’ कोइरालाले भनेका छन् ।

चकनाचुर भएर फुटेका कम्युनिष्टसँग मिलेर चुनाव लड्नुपर्ने अवस्था कांग्रेसको हो र ? भन्दै उनले नेतृत्वसँग प्रश्न पनि गरेका छन् । ‘कांग्रेसले सही बाटो लिन सक्यो भने, कांग्रेस एक्लैले आउँदो चुनावमा बहुमत ल्याउन सक्छ । तर चुनावमा सबै कम्युनिष्ट एक हुन्छन्, हाम्रो नेतृत्व भ्रममा पर्नु हुँदैन। सत्तामा गएपछि पद र शक्तिको लागि मात्र यिनीहरुको झगडा हो, पद प्राप्तिका लागि एकै ठाउँमा हुन्छन्। कम्युनिष्टहरुसँग संसदीय फाँटमा मात्र सहकार्य हो, यो सहकार्यमा पनि, मिलेर चुनाव लड्नु आत्मघाती हुनेछ,’ कोइरालाले भनेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कोइरालाको इन्ट्रीले प्रचण्ड तनाबमा, चितवनमा सन्नाटा !

भरतपुर मेयरमा माओबादीलाई समर्थन गरे निर्णय उल्टिने यी कांग्रेस नेताको चेतावनी, तनाबमा रेणु दाहाल

कारबाहीमा परेका कांग्रेस नेता कोइरालाले मागे जितनारायणलाई भोट