काठमाडौं - स्थानीय तहको निर्वाचन आउन अब ४५ दिन पनि बाँकी छैन । सबै दल निर्वाचन अभियानमा लागेका छन् ।

नेपाली कांग्रेसले आफ्ना सबै केन्द्रीय सदस्यलाई चुनावी अभियानमा खटाएको छ । तर, एमाले, माओवादी केन्द्र र एकीकृत समाजवादी भने शीर्ष नेतामै भर परेको छ । अझ एमाले र माओवादी केन्द्र त अध्यक्ष केपी ओली र पुष्पकमल दाहाल प्रचण्डमै भर परेको छ ।

अहिले ओली र प्रचण्ड देशव्यापी रूपमा खटिएका छन् । ओली र प्रचण्डलाई अरु नेताले भोट बढाउँछन् भन्ने विश्वास छैन । दुवै दलमा नेताहरू अदलबदल भएकाले पनि उनीहरू अरुसँग भर नपरेका हुन् ।

एमाले विभाजन भएको छ भने माओवादी केन्द्रका नेताहरू अधिकांश अहिले एमालेमा प्रवेश गरिरहेका छन् । त्यही भएर यी ओली र प्रचण्ड एकअर्काविरुद्ध गालीगलौजमा उत्रेका छन् ।

एमाले आन्तरिक रूपमा आफूलाई बलियो भएको दम्भ पालेर बसिरहेको छ । त्यही भएर ओलीलाई ‘वान मेन शो’ को ढंगले अघि बढाएको छ ।

ओली अहिले कर्णाली र सुदूरपश्चिम प्रदेशतिर चुनावी अभियानमा केन्द्रित भएका छन् । तर उनले अरुलाई मौका दिएका छैनन् ।

एमालेमा सबैभन्दा बिजोग त हिजो आफूलाई ‘१० भाइ’ भन्नेको भएको छ । भीम रावल, अष्टलक्ष्मी शाक्य, युवराज ज्ञवाली, योगेश भट्टराई, गोकर्ण विष्ट, घनश्याम भुसाल, रघुजी पन्तलगायत को कता छन् भन्ने अत्तोपत्तो छैन ।

उनीहरू अहिले चुनावी अभियानबाटै बेपत्ता भएका छन् । अहिले एमालेमा निरंकुश शासन चलेको छ । ओलीले जे बोल्छन् त्यही मात्र हुन्छ ।

चुनावको मुखमा विरोध गरौं भोलि टिकट नपाइएला भन्ने पिरले पनि एमालेका युवा नेताहरू मौन बसेका हुन् । ओली अहिले अरु दलका नेता र जनप्रतिनिधिलाई पार्टी प्रवेश गराएर उनीहरूलाई नै चुनावमा टिकट दिने मनस्थितिमा छन् ।

त्यही भएर अहिले एमालेमा भित्रभित्रै उकुसमुकुस हुनेको संख्या बढ्दो क्रममा छ । पार्टीलाई जिताउने नाममा ओलीले माओवादी केन्द्र, जसपा, लोसपाबाट आएकालाई टिकट दिने तयारी गरेपछि एमालेमा २०औं वर्षसम्म राजनीति गर्ने नेता कार्यकर्ता असन्तुष्ट भएका हुन् । यसको असर आगामी निर्वाचनमा देखिने बताइन्छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

प्रचण्डसँग मिलेर केपी ओलीले दिए कडा निर्देशन, विरोध उत्रेका सांसद के गर्लान् ?