काठमाडौं - एमाले अध्यक्ष केपी ओलीलाई पछिल्लो समय के बोलें, के बोल्न हुने नहुने केही थाहा पत्तो नहुने देखिएको छ ।

करिब १५ वर्षदेखि मिर्गौलासम्बन्धी औषधि सेवन गरिरहेका ओली मानसिक रूपमा पनि सशक्त छैनन् । उनी आफैंलाई पनि प्रतिरोध क्षमता कम भएको स्वीकार्छन् ।

देशको दुई दुईपटक प्रधानमन्त्री भइसकेका व्यक्तिले अरुबारे बोल्दा हेक्का राख्नुपर्ने हो । तर, ओलीको पछिल्लो केही समययताका अभिव्यक्तिलाई लिएर चौतर्फी आलोचना भइरहेको छ ।

शनिबार मात्र ओलीले प्रधानमन्त्री शेरबहादुर देउवाबारे अन्टसन्ट बोले । सत्तारुढ गठबन्धनबारे नानाथरी अभिव्यक्ति दिए । उनका भाषण सुन्ने जोकोही पनि इरिटेड भएको देखिएको छ ।

ओलीले प्रधानमन्त्री शेरबहादुर देउवा ज्येष्ठ नागरिक भएकाले एमालेको चुनाव चिन्ह सूर्यमा भोट हाल्नुपर्ने जिकिर गरे । देशको प्रधानमन्त्री, मुलुककै सबैभन्दा पुरानो पार्टीको सभापति जस्तो नेतालाई ओलीले देउवाले सूर्यमा भोट हाल्नुपर्छ भन्नु मानसिक रूपमा उनी कति कमजोर रहेछन् भन्ने पुष्टि हुन्छ ।

ओलीमा सूर्य चुनाव चिन्हप्रति कति अहंकार रहेछ भन्ने यसले पनि देखाउँछ । ओली आफैं पनि बयोवृद्ध नेता हुन् । उनी पनि ७० वर्ष लागेका छन् । आफ्नो पार्टी सभापतिविरुद्ध ओलीले अन्टसन्ट बोलेलगत्तै कांग्रेस महामन्त्री विश्वप्रकाश शर्माले शनिबार नै प्रतिवाद गरे । शर्माले यदि माक्र्स र लेनिन अहिलेसम्म बाँचेको भए कांग्रेसलाई भोट दिन्थे भनेर ओलीलाई चुनौती नै दिनुपरेको छ ।

जति जति चुनाव नजिकिँदै छ, ओलीमा छटपटाहट पनि बढ्दो छ । यदि सत्तारुढ गठबन्धन चुनावसम्म कायम भएमा आफ्नो पार्टीले लज्जास्पद पराजय बेहोर्नुपर्ने भय ओलीमा देखिएको छ ।

पछिल्लो समय कांग्रेस सभापति देउवाले गठबन्धनविरुद्ध नबोल्न आफ्ना पार्टीका नेतालाई निर्देशन दिएपछि ओली उनीविरुद्ध खनिएका हुन् । ओली जसरी भए पनि चुनावमा गठबन्धन नहोस् भन्ने पक्षमा देखिएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कोरोना महामारीका बेला शेरबहादुर देउवाको माग : ‘एमसीसी पारित हुनुपर्छ’

शेरबहादुर देउवालाई तत्कालै चाहियो एमसीसी, पार्टी बैठकमा यस्तो बोले !

कम्युनिस्टको मुखमा बुझो लगाउने गरी बोले देउवा, भ्रमको खेती नगर्न चेतावनी

देउवालाई भेट्न नेम्वाङ पुगे बुढानिलकण्ठ, के पाक्दैछ खिचडी ?

नेकपा फुटको संघारमा रहेको बेला ओली समुहलाई देउवाले दिए यस्तो जवाफ