काठमाडौं - नेपाली कांग्रेसको चौधौं महाधिवेशनमा शेरबहादुर देउवा केन्द्रीय कार्यसमितिमा तीनचौथाइ बहुमतसहित सभापतिमा विजयी भएका थिए ।

पार्टीको केन्द्रीय पदाधिकारीमा उनी र पूर्णबहादुर खड्काबाहेक अरू सबै अनुहार नयाँ थिए । पार्टीको सत्ता र देशको सत्ता अनुभव दुवै सम्हालेका नेता भने धेरै छैनन् । जसमध्ये महामन्त्री गगन थापा मात्र अपवाद हुन् ।

थापा तीन तीनपटक सांसद भइसकेका छन् । संसदीय समितिको सभापति र मन्त्री भइसकेका छन् । संसद् र सरकार कसरी चलाउन सकिन्छ भन्ने उनमा राम्रो दक्खल छ ।

उनको यो अनुभव एमसीसीसी पारित गर्ने बेला सफल सिद्ध भयो । यतिबेला सभापति देउवाले गगनलाई संसद र पार्टी दुवैतिर राम्रै भूमिका दिएका छन् ।

पार्टीका पदाधिकारी बैठक राखेर निर्णय गर्नेदेखि अब कांग्रेसले कस्तो स्ट्यान्ड लिनुपर्छ भन्ने देउवाको धारणा गगनमार्फत आउन थालेका छन् ।

यसले देउवा र गगनको केमेस्ट्री जम्दै गएको र यसको प्रत्यक्ष लाभ कांग्रेसले आागामी निर्वाचनमा प्राप्त गर्ने नेतृत्वको बुझाई छ । धेरैले देउवा सभापतिमा दोहोरिएपछि पनि महामन्त्रीहरू युवा भएकैले अधिकारी नदिने पो हुन् कि भनेर आशंका गरेका थिए ।

तर, महाधिवेशको तीन महिनासम्मको मूल्यांकन गर्दा प्रवक्ता मनोनयनबाहेक अन्यमा देउवाले कुनै मनपरी निर्णय गरेका छैनन् । पार्टीका प्रायः सबै सिनियर नेतालाई केन्द्रीय सदस्यमा मनोनयन गरेका छन् ।

अब चन्द्र भण्डारी, मिनेन्द्र रिजाल, महेश आचार्य, प्रदीप पौडेल मात्र केन्द्रीय सदस्यमा मनोनीत हुन बाँकी छन् । नत्र कांग्रेसका पुराना सबै अनुहार केन्द्रीय समितिमा रहेका छन् ।

अहिले गगन थापाले जे बोल्छन्, जे निर्णय गर्छन् त्यो कांग्रेसकै आधिकारिक निर्णय हुन्छ । त्यही भएर अहिले उनी तौलेर मात्र बोलिरहेका छन् । एमसीसी अनुमोदन गर्ने बेला उनले निभाएको भूमिकाको अहिले चौतर्फी प्रशंसा भइरहेको छ ।

अब कांग्रेसले गगन थापाले काठमाडौं ४ मा निर्वाचनमा गरेको खर्चको मापदण्ड र शैलीलाई अपनत्व गर्ने चर्चा चलेको छ । चुस्त र छरितो टिम खडा गरेर गगनले चुनाव जितेका थिए ।

जसकारण खर्च पनि कम भएको थियो । अब उनकै मोडेल कांग्रेसले अबको निर्वाचनमा अनुशरण गर्ने बुझिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कोरोना महामारीका बेला शेरबहादुर देउवाको माग : ‘एमसीसी पारित हुनुपर्छ’

शेरबहादुर देउवालाई तत्कालै चाहियो एमसीसी, पार्टी बैठकमा यस्तो बोले !

कम्युनिस्टको मुखमा बुझो लगाउने गरी बोले देउवा, भ्रमको खेती नगर्न चेतावनी

देउवालाई भेट्न नेम्वाङ पुगे बुढानिलकण्ठ, के पाक्दैछ खिचडी ?

नेकपा फुटको संघारमा रहेको बेला ओली समुहलाई देउवाले दिए यस्तो जवाफ