काठमाडौं - अमेरिकी सहयोग परियोजना एमसीसीका कारण पाँचदलीय गठबन्धनमा तिक्तता बढेको छ ।

एमसीसी संसदमा टेबुल पनि गराउने अनि सडकमा पनि प्रदर्शन गर्ने माओवादी केन्द्र र एकीकृत समाजको दोहोरो चरित्रका कारण गठबन्धन भरे हो कि भोलि हो भनेर चारैतिर चासो र चिन्ता उत्पन्न भएको छ ।

तर, एमसीसीले सत्तारुढ नेपाली कांग्रेस भने इतिहासमै पहिलोपटक एकढिक्का भएको छ । १४औं महाधिवेशनपछि डा.शेखर कोइराला समूहले पार्टीका केही निर्णयमा आपत्ति जनाए पनि अहिले भने उनले पूरापूर पार्टी सभापति शेरबहादुर देउवालाई समर्थन गरेका छन् । त्यही भएर अहिले विपक्षी दल तनावमा छन् ।

कांग्रेसमा एउटा न एउटा इस्यु निकालेर विद्रोह गराउने विपक्षी दलको रणनीति फेल भएको छ । खासगरी माओवादी केन्द्रका अध्यक्ष पुष्पकमल दाहाल प्रचण्डको कांग्रेसमा खेल्ने सपनामा तुषरापात लागेको छ ।

यदि एमसीसी पास गर्न असहयोग गरेमा एमालेसँग सहकार्य गर्न प्रधानमन्त्री देउवा तयार भएपछि अहिले प्रचण्ड र माधवकुमार नेपालले गठबन्धन नटुट्ने बताउन थालेका छन् । यसबीचमा कांग्रेसका वरिष्ठ नेता रामचन्द्र पौडेलले सक्रियता बढाएका छन् ।

पौडेलले सोमबार सत्ता साझेदार दलहरु माओवादीका अध्यक्ष प्रचण्ड, एकीकृत समाजवादीका अध्यक्ष नेपाल र जसपा अध्यक्ष उपेन्द्र यादवसँग भेट गरी गठबन्धन भत्किन नदिन आग्रह गरेका छन् ।

पौडेलले देशमा संकट नगहिरियोस् भन्नका लागि आफू प्रयत्नशील रहेको बताए । उनले एमसीसी परियोजना नेपालको गरिबी अन्त्यका लागि अमेरिकी सरकारले गरेको सहयोग भएको बताए ।

एमसीसीले विद्युत र सडकमार्फत नेपालको गरिबी हटाउन मद्दत पु¥याउने उनको भनाइ छ । एमसीसी सम्झौताको विषय अब सडकबाट नभई संसदमा छलफल हुने उनले बताए ।

राष्ट्रको ध्यान संसदतर्फ केन्द्रीत भएको उनले उल्लेख गरे । पौडेलसँगको भेटमा प्रचण्डले सत्ता गठबन्धन नटुट्ने र एमसीसी प्रक्रियाबाट टुंगिने बताए ।

एमसीसीको समस्या समाधान गर्न र गठबन्धन बचाउन पौडेलले गरेको आग्रहको जवाफमा प्रचण्डले यस्तो बताएका हुन् । पूर्वप्रधानमन्त्री नेपालले समेत पौडेललाई गठबन्धन नटुट्ने आश्वासन दिएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग