काठमाडौं - नेपालका नेता कुर्सी र पदविना एक मिनेट पनि बस्न सक्दैनन् भन्ने गतिलो उदाहरण कमल थापाले देखाएका छन् ।

राप्रपाको अध्यक्षमा पराजित भएको साढे दुई महिनापछि नै अनेक घुर्की, धम्की, रोइकराई गरेर अन्तिममा पार्टी नै छाडेर थापा अर्कै पार्टीको अध्यक्षको कुर्सी हात पार्न सफल भएका छन् ।

अरुलाई देखाउनकै लागि भए पनि पार्टीको अध्यक्ष बन्नुपर्ने सोचका कारण राप्रपा नेपाल भन्ने निर्वाचन आयोगमा दर्ता भएको पार्टी लाक्पा तामाङबाट उनले हात पारेका छन् ।

आगामी फागुन ७ गते थापाले सो पार्टीको औपचारिक केन्द्रीय कार्यसमितिको घोषणा गर्दैछन् । जसमा राप्रपाबाट केही पदाधिकारीलाई राजीनामा दिन लगाएर ल्याउने उनको तयारी छ ।

त्यसका लागि बुद्धिमान तामाङ, कुन्ती शाहीलगायत तयार भइसकेको बुझिएको छ । हुन त थापा राप्रपा नेपालको अध्यक्ष पहिले पनि भइसकेका हुन् । त्यो पार्टी उनले पशुपतिशमशेर जबराको राप्रपासँग विलय गराएका थिए ।

अहिले त्यही पार्टीको अध्यक्ष बनें भनेर उनले फेसबुकमा फोटो छ्याप्छ्याप्ती हाल्न थालेका छन् । कतिसम्म भने उनले केही समय बाहिर गए पनि आफ्नै मूलघर फर्केको भनेर उनले स्टाटससमेत लेखे ।

थापाको त्यो स्टाटसलाई धेरैले ‘मुतको न्यानो’ भनेर टिप्पणीसमेत गरेका छन् । किनकि उनका पहिलेका नेता कार्यकर्ता सबै राप्रपामा प्रवेश गरिसकेका छन् । संगठन उतै छ ।

उनी राप्रपा नेपालमा एक्लै प्रवेश गरेका मात्र हुन् । कोही पदाधिकारी पनि साथ गएका छैनन् । त्यसैले आगामी निर्वाचनमा कमल थापाले नराम्रो मूल्य चुकाउनुपर्ने निश्चित छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कम्युनिष्टबाट खतरा बढ्यो, दक्षिणपन्थी गठबन्धन बनाउँ : कमल थापा

कमल थापाको कसरत : साँच्चै राजतन्त्र फर्किएला ? 

‘गाई’ छाडेपछि राप्रपामा रुवाबासी

राप्रपा अध्यक्ष थापा अस्पताल भर्ना, कस्तो छ स्वास्थ्य अवस्था ?

एकपटक फेरि नेपाली जनताले मुलुकको राजनीतिक यात्रा र गन्तव्यका बारेमा पुनर्विचार गर्नु जरुरी भएको छ

'कम्युनिष्ट बिग्रेपछि अत्यन्त दुर्गन्धित हुन्छ, टाढा-टाढासम्म गन्हाउँछ'