काठमाडौं - अहिले पूर्वपञ्चहरूको पार्टी राप्रपा र संवैधानिक निकाय निर्वाचन आयोगबीच टसल सुरु भएको छ । नेपालको संविधानलाई आधार मान्दै आयोगले राप्रपाको विधानबाट हिन्दु राष्ट्र, राजसंस्था र गाई हटाउन निर्देशन दिएपछि राप्रपा आक्रोशित भएको छ ।

राप्रपा पूर्वअध्यक्ष कमल थापाले नै आयोगको सो परिपत्र सामाजिक सञ्जालमार्फत सार्वजनिक गरेका थिए । आयोगले माघ २ गते नै राप्रपालाई पत्र पठाएको थियो । तर, राप्रपा अध्यक्ष राजेन्द्र लिङ्देनले सार्वजनिक गरेका थिएनन् ।

राप्रपाका कमल थापा निकट एक पदाधिकारीले सो पत्र गोप्य रूपमा उनलाई पठाइदिएका थिए । त्यसपछि थापाले सामाजिक सञ्जालमा राखेर पार्टी नेतृत्व खुइल्याउने प्रयास गरेका थिए ।

आइतबार बसेको राप्रपा पदाधिकारी बैठकमा आयोगको पत्र सुटुक्क कमल थापालाई कसले पठायो भन्नेबारे व्यापक गलफत्ती भएको थियो । राप्रपामा सो पत्र अध्यक्षको अनुमतिविना थापालाई पठाउनेमाथि कारबाही गर्न माग उठेको छ ।

राप्रपाको पदाधिकारी बैठकमा अध्यक्ष लिङ्देनले आयोगको निर्देशन नमान्ने बरु कानुनी र राजनीतिक लडाइँ लड्ने बताएका थिए । उनको यो अभिव्यक्ति सार्वजनिक भएपछि निर्वाचन आयोगले थप प्रक्रिया अघि बढाउने चेतावनी दिइसकेको छ ।

अब केही समय राप्रपा र आयोगबीच ठूलो लफडा चल्ने देखिएको छ । निर्वाचन आयोगले जबर्जस्ती राप्रपालाई गणतन्त्र स्वीकार भनेर आदेश दिएको राजनीतिक विश्लेषकहरू बताउँछन् ।

जबकि राप्रपा स्थापनाकालदेखि नै संवैधानिक राजतन्त्र र हिन्दु राष्ट्रको नारा लिएर अघि बढिरहेको छ । र, त्यसैअनुसार जनताबाट मत पनि पाइरहेको छ । आयोग र राप्रपाबीच टसल परेपछि कमल थापा भने खुसी देखिएका छन् ।

उनी आफूलाई अध्यक्षमा हराउन भूमिका खेलेका पूर्वराजा ज्ञानेन्द्र शाहलाई बोक्ने राप्रपाको नीति हटाउनुपर्ने पक्षमा छन् । त्यही भएर उनले आयोगको पत्र सार्वजनिक गरेको खुलेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कम्युनिष्टबाट खतरा बढ्यो, दक्षिणपन्थी गठबन्धन बनाउँ : कमल थापा

कमल थापाको कसरत : साँच्चै राजतन्त्र फर्किएला ? 

‘गाई’ छाडेपछि राप्रपामा रुवाबासी

राप्रपा अध्यक्ष थापा अस्पताल भर्ना, कस्तो छ स्वास्थ्य अवस्था ?

एकपटक फेरि नेपाली जनताले मुलुकको राजनीतिक यात्रा र गन्तव्यका बारेमा पुनर्विचार गर्नु जरुरी भएको छ

'कम्युनिष्ट बिग्रेपछि अत्यन्त दुर्गन्धित हुन्छ, टाढा-टाढासम्म गन्हाउँछ'