काठमाडौं - टुटफुट र विभाजनबाट ग्रसित राप्रपाको एकीकरण सभामा कमल थापाले गीता छोएर पार्टी विभाजन नगर्ने कसम खाएका थिए ।

राप्रपाको महाधिवेशनअघि उम्मेदवारी घोषणा गर्दा पनि थापाले जस्तोसुकै परिणाम आए पनि पार्टी नफुटाउने घोषणा गरेका थिए ।

तीन वर्षअघि राप्रपाका वर्तमान अध्यक्ष राजेन्द्र लिङ्देनसँग पाथीभरा देवीको मन्दिरमा थापाले कुनै पनि हालतमा पार्टी नफुटाउने सँगै हिँड्ने कसम खाएका थिए ।

तर, तर, राप्रपा अध्यक्षमा पराजित भएलगत्तै कमल थापामा उकुसमुकुस र छटपटी बढेको छ । पद र प्रतिष्ठामा रमाएका थापा कुर्सी नहुँदा कतिसम्म गर्दा रहेछन् भन्ने पुष्टि भइसकेको छ ।

आफैँले पार्टी सदस्यता दिएका राजेन्द्र लिङ्देनसँग पराजित भएपछि थापाले राप्रपाको पार्टी कार्यालय नै नटेकी छुट्टै दल गठनको गृहकार्य अघि बढाएको चर्चा व्यापक छ । जेलमा रहेका रेशम चौधरीले त नयाँ पार्टी खोले भने कमल थापा त्यत्तिकै बस्लान् भन्ने कसैले सोचेका पनि छैनन् ।

उनले केही दिनअघि आफैं पार्टीबाट अलग हुने तर राप्रपा नफुटाउने सामाजिक सञ्जालमा लेखेका थिए । पुस २७ गते उनले मेची काली अभियान सुरु गर्ने घोषणा गरेका थिए । तर, कोरोना संक्रमण बढेपछि हाललाई स्थगित गरेका छन् ।

थापाले पार्टी विभाजनको आधारभूमि निर्माणकै निम्ति मेची काली अभियान सञ्चालन गर्न लागिएको बताइएको छ। राप्रपाका एक नेताका अनुसार थापाले हिन्दुवादी दल निर्माणको तयारी अघि बढाएका छन् ।

अबदेखि राजसंस्थालाई मुख्य एजेन्डा नराख्ने गरी थापाले नयाँ पार्टी खोल्न लागेका हुन् । उनले आफू निकट राप्रपाका पदाधिकारीदेखि केन्द्रीय सदस्य सबैलाई राजीनामा दिन लगाएर लिङ्देनलाई कमजोर बनाउने रणनीति अपनाएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कम्युनिष्टबाट खतरा बढ्यो, दक्षिणपन्थी गठबन्धन बनाउँ : कमल थापा

कमल थापाको कसरत : साँच्चै राजतन्त्र फर्किएला ? 

‘गाई’ छाडेपछि राप्रपामा रुवाबासी

राप्रपा अध्यक्ष थापा अस्पताल भर्ना, कस्तो छ स्वास्थ्य अवस्था ?

एकपटक फेरि नेपाली जनताले मुलुकको राजनीतिक यात्रा र गन्तव्यका बारेमा पुनर्विचार गर्नु जरुरी भएको छ

'कम्युनिष्ट बिग्रेपछि अत्यन्त दुर्गन्धित हुन्छ, टाढा-टाढासम्म गन्हाउँछ'