काठमाडौं - पछिल्लो ६ महिनायता तराई मधेसमा जसपा र लोसपाको गतिविधि प्रायः शून्य छ । हिजोसम्म आफूलाई तराईको मसिहा ठान्ने महन्थ ठाकुर, राजेन्द्र महतो र उपेन्द्र यादवको अहिले अवस्था निकै दयनीय बनेको छ ।

सधैं तराई मधेसका सोझासाझा जनतालाई भ्रम छलेर आफ्नो राजनीतिक स्वार्थ सिद्ध गर्दै आएका मधेस केन्द्रित दलहरू अहिले निकै सकसमा छन् । हिजोसम्म एकै दलमा रहेका उनीहरू अहिले फरक फरक दलमा छन् ।

फरक दलमा भए पनि अहिले जसपा र लोसपामा भाँडभैलो देखिएको छ । लोसपामा तराई मधेसका सर्वसाधारणको भरोसा टुट्दै गएको छ । हिजो केपी ओलीको असंवैधानिक कदमलाई साथ दिएकै लोसपामा जनताको भरोसा टुटेको हो ।

क्रियाशील सदस्यताको विवाद र केन्द्रीय कमिटीमा आफूहरूलाई बाइपास गरिएको भन्दै आमरन अनसनसमेत हुन थालेको छ । महन्थ र राजेन्द्र अहिले निष्क्रिय देखिएका छन् । कहीँकतै पार्टीका गतिविधि छैनन् ।

जसपामा पनि त्यस्तै छ हालत । उपेन्द्र यादवलाई बलियो भएको बाबुराम भट्टराई पक्षले देख्न चाहेको छैन । भित्रभित्रै खिचातानी सुरु भइसकेको छ । नवराज सुवेदीमार्फत बाबुराम पक्षले बाहिर धारणा सार्वजनिक गर्न थालेको छ ।

उनीहरूसँगसँगै राजनीतिक गतिविधिमा देखिन छाडेका छन् । उपेन्द्रलाई कुन दिन बाबुरामले जसपा छाड्ने हुन् भन्ने आशंका छ । धेरैले बाबुराम फेरि पनि माओवादी केन्द्रमा फर्कन सक्ने आकलन गरिरहेका छन् ।

यिनीहरूको यस्तै गतिविधिका कारण अहिले पूर्वीतराईमा सिके राउत र पश्चिम तराईमा रेशम चौधरीलाई जबर्जस्त खडा पार्ने प्रयत्नमा शक्तिकेन्द्रहरू लागिपरेका छन् ।

सीके राउतका कार्यकर्ताले तराईका जिल्लामा विध्वंश मच्चाउन थालिसकेको छ । अर्कोतिर जेलमा रहेका रेशम चौधरीले श्रीमतीलाई अध्यक्ष बनाएर निर्वाचन आयोगमा नयाँ दल दर्ता गराइसकेका छन् ।

सो पार्टीमा थारु समुदायको बाहुल्यता रहेको देख्न सकिन्छ । नेपालमा तराई मधेसका जिल्लामा थारु समुदायको बाहुल्यता छ । त्यसैले अन्य दलका थारु समुदायलाई एउटै दलमा आबद्ध गराउन चौधरीलाई कुनै शक्तिले अघि सारेको विश्लेषण गर्न थालिएको छ ।

मुख्य दलको प्रभाव कमजोर गर्ने यो षड्यन्त्र कत्तिको सफल हुन्छ ? आगामी निर्वाचनमा परीक्षण हुने छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

केपी ओलीको संरक्षणमा सीके राउतको आक्रामक हर्कत, के हो साँठगाँठ ?

सीके राउतले दादागिरी गर्न थालेपछि कांग्रेसले दियो यस्तो जवाफ

सीके राउतपछि राजनीतिबाट सन्यास लिने पालो नारायणकाजीको

रेशम चौधरीको उम्मेदवारी खारेज 

रेशम चौधरीलाई रिहा गर्ने गरी सरकारले किन ल्यायो अध्यादेश? दियो यस्तो प्रष्टिकरण  

रेशम चौधरी र सिके राउतको पार्टी मिले, के हो कारण?