काठमाडौं – नेपाली कांग्रेसको १४औं महाधिवेशनबाट नेपाली कांग्रेसका ८ सहमहामन्त्रीमा नयाँ अनुहार निर्वाचित भएका छन् ।

शुक्रबार सकिएको मतगणनाबाट महिला, दलित, आदिवासी जनजाति, खसआर्य, मधेशी, मुस्लिम, थारु र पिछडिएको क्षेत्र गरी ८ क्षेत्रबाट १/१ जना सहमहामन्त्री विजयी भएका छन् ।

महिला तर्फको सहमहामन्त्रीमा कमला पन्त र महालक्ष्मी उपाध्याय ‘डिना’बीच प्रतिस्पर्धा भएको थियो । चुनावमा उपाध्याय विजयी भएकी छन् ।

दलित तर्फको सहमहामन्त्रीमा जीवन परियार विजयी भएका छन् । परियारले मानबहादुर विश्वकर्मालाई पराजित गरेका छन् । 

आदिवासी जनजाति क्षेत्रतर्फ भीष्मराज आङ्देम्बे निर्वाचित भएका छन् । उनले विकास लामालाई चुनाव हराएका छन् ।

खसआर्य तर्फको सहमहामन्त्रीमा किशोरसिंह राठौर निर्वाचित भएका छन् । प्रतिस्पर्धी देवराज चालिसेलाई हराउँदै राठौर विजयी भएका हुन् ।

मधेशी क्लस्टरतर्फ महेन्द्र यादव निर्वाचित भएका छन् । महेन्द्रले रामकृष्ण यादवलाई पराजित गरेका छन् ।

मुस्लिम तर्फको सहमहामन्त्रीमा फर्मुल्लाह मन्सुर विजयी भएका छन् । उनले शेख वकिललाई चुनावमा पराजित गरेका छन् ।

थारु तर्फको उमाकान्त चौधरी निर्वाचित भएका छन् । उनले सुरेन्द्रप्रसाद चौधरी र तेजुलाल चौधरीलाई चुनाव हराएका छन् ।

पिछडिएको क्षेत्रतर्फ बद्री पाण्डे विजयी भएका छन् । पाण्डेले कर्णाली प्रदेशका मुख्यमन्त्री जीवनबहादुर शाहीलाई चुनाव हराएका छन् । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग