काठमाडौं – सत्तारुढ दल नेपाली कांग्रेसको १४औं महाधिवेशनअन्तर्गत शनिबार भइरहेको प्रदेश अधिवेशनको मतदानका क्रममा विवाद भएको छ ।

१ नम्बर प्रदेशको विराटनगरमा भइरहेको चुनावमा उम्मेदवारी दिएका ३ जनाको नाम विना नै मतपत्र छापिएपछि विवाद हुँदै मतदानमा ढिलाइ भइरहेको छ ।

निर्वाचन समितिले उम्मेदवारको अन्तिम सूची र मतपत्रमा उम्मेदवारको नाम नै छुटाएपछि पुनः नयाँ मतपत्र छाप्नुपर्ने भएको छ ।

१ नम्बर प्रदेश कार्यसमिति सदस्य पदमा उम्मेदवारी दिएका शान्तिकला राई, जीवन नेपाली र श्याम खड्गीको नाम निर्वाचन समितिले छुटाएको जनाइएको छ । खड्गीले भूगोल, नेपालीले दलित र राईले खुलाबाट उम्मेदवारी दर्ता गराएका थिए ।

मतपत्रमा नाम छुटेका तीनै जनाले शुक्रबार मनोनयन दर्ता गराएका हुन् । मतपत्रमा नाम नभएपछि मतदानमा ढिलाइ भइरहेको छ । बिहान ८ बजेदेखि सुरु हुने भनिएको मतदान ११ बजेसम्म पनि सुरु हुन सकेको छैन ।

प्रदेश निर्वाचन समितिका निर्वाचन अधिकृत भरत थापाले प्राविधिक कारणले नाम छुटेको स्वीकार गरे । नाम छुटेका उम्मेदवारको नामसहित मतपत्र पुनः छाप्नुपर्ने भएकाले केही ढिला भएको छ । 

मतदानस्थलमा मतदाता तथा उम्मेदवार मतदानको पर्खाइमा रहेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग