काठमाडौं – नेपाली कांग्रेसको १४औं महाधिवेशनअन्तर्गत सर्लाही जिल्लाको बलरा नगरपालिकास्थित गडहियामा भइरहेको अधिवेशनमा बबाल मच्चिएको छ ।

केही नेता कार्यकर्ताले मतदान अधिकृतलाई नियन्त्रणमा लिन खोज्दा झडपको स्थिति उत्पन्न भएको छ ।

झडपलाई नियन्त्रणमा लिन प्रहरीले ३ सेल अश्रुग्यास प्रहार गरेको जिल्ला प्रहरी कार्यालय सर्लाहीका प्रवक्ता तथा डीएसपी माधवप्रसाद बुढाथोकीले बताए ।

घटनामा ३ सुरक्षाकर्मी, १ जना मतदान अधिकृत र १ कांग्रेस कार्यकर्ता घाइते भएका प्रहरी प्रवक्ता डीएसपी बुडाथोकीले जानकारी दिए ।

घाइते हुनेमा प्रहरी निरीक्षक सुरेश ठाकुरसहित अन्य २ जना सुरक्षाकर्मी रहेका छन् ।

झडपमै बलरा नगरपालिका–८ अचलगडमा मतदान अधिकृतको रूपमा खटिएका उमेशचन्द्र झा र अर्का एक जना नाम ठेगाना नखुलेका कांग्रेस कार्यकर्ता रहेका प्रहरीले जानकारी दिएको छ । घाइतेमध्ये मतदान अधिकृतको झाको अवस्था गम्भीर रहेको प्रहरीले जानकारी दिएको छ ।

कांग्रेस नेता प्रतिनिधिसभा सदस्य अमरेश कुमार सिंह पक्षका कार्यकर्ताले मतदान अधिकृतलाई वडा सभापतिको घर लैजान खोजेपछि झडप भएको प्रहरीको दाबी छ । प्रहरीले आईतबार अधिवेशन प्रक्रिया सुरू भएको स्थानमा मतदान गराउने प्रयास गरेपनि विवाद भएको हो ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग