सभापति पदमा देउवा पक्षीय उम्मेदवार १ भोटले विजयी
सभापति पदमा देउवा पक्षीय उम्मेदवार १ भोटले विजयी
काठमाडौं – नेपाली कांग्रेसको १४औं महाधिवेशन अन्तर्गत सिन्धुली जिल्लाको प्रतिनिधिसभा निर्वाचन क्षेत्र नम्बर २ मा भएको निर्वाचनमा सभापति शेरबहादुर देउवा पक्षका उम्मेदवार कुमार ढकाल १ मतले विजयी भएका छन् ।
निर्वाचित ढकालले ३६२ मत ल्याएका छन् भने अर्का प्रतिस्पर्धी कपिल कोइरालाको ३६१ मत पाएका छन् ।
मतगणना हुँदा ११ मत फरक बाकसमा परेपछि धाँधली भएको भन्दै ३ दिन अघिदेखि मतगणना रोकिँदा नतिजा घोषणामा ढिलाइ भएको थियो । कांग्रेस जिल्ला कार्यसमिति र विजयी उम्मेदवारको रोहबरमा निर्वाचन समितिले शनिवार गणना हुन बाँकी रहेको ११ मतमा ढकालको ४ र कोइरालाको ६ मत रहेको र एक मत खाली रहेको पाएको छ ।
मुचुल्का उठाएर लाहाछाप गरी सुरक्षित राखिएको मतपत्र गणना हुँदा १ मतले ढकाल विजयी भएका मतदान अधिकृत मनोज शाहले बताएका छन् । विजयी ढकालले धाँधली भएको भन्दै मतगणना बहिष्कार गर्दै आएका थिए ।
मतपरिणामको अन्तिम नतिजा सार्वजनिक भएपछि विजयी भएका ढकालले लोकतन्त्रमा मतको कदर भएको प्रतिक्रिया दिएका छन् । सिन्धुलीका २ वटै प्रतिनिधिसभा निर्वाचन क्षेत्रको क्षेत्रीय सभापतिमा देउवा पक्षीय उम्मेदवार नै विजयी भएका छन् ।
निर्वाचन क्षेत्र नम्बर १ मा देउवा पक्षीय उम्मेदवार कर्णबहादुर थापामगर क्षेत्रीय सभापति पदमा विजयी भएका हुन् ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४