काठमाडौं – नेपाली कांग्रेसले पश्चिम नवलपरासीमा १४औं महाधिवेशनका लागि प्रतिनिधिसभा र प्रदेशसभा क्षेत्रीय प्रतिनिधिका उम्मेदवारको घोषणा गरिएको छ ।

कण्डेल समूहले परासीमा एक कार्यक्रम गरेर उम्मेदवारको घोषणा गरेको छ ।

पार्टीका केन्द्रीय सदस्य एवं पूर्व गृहराज्यमन्त्री देवेन्द्रराज कंडेलको प्रमुख आतिथ्य र जिल्ला सभापति विष्णु पौडेलको अध्यक्षतामा भएको कार्यक्रमबाट पश्चिम नवलपरासीको निर्वाचन क्षेत्र नम्बर २ को संघीय क्षेत्रीय कार्यसमिति र त्यस अन्तर्गत २ प्रदेशसभा निर्वाचन क्षेत्र १ र २ को क्षेत्रीय कार्यसमितिका लागि उम्मेदवार घोषणा गरिएको नेपाली कांग्रेसले जनाएको छ ।

जसअनुसार संघीय अर्थात् प्रतिनिधिसभा क्षेत्र नम्बर २ को क्षेत्रीय कार्यसमितिको सभापति पदमा माधव पाण्डेलाई उम्मेदवार घोषणा गरिएको छ । हाल सोही कार्यसमितिको क्षेत्रीय सचिव रहेका पाण्डेले आगामी महाधिवेशनमा क्षेत्रीय सभापति पदमा उम्मेदवारी दिएका छन् ।

संघीय क्षेत्रीय कार्यसमितिको सचिवमा प्रदीप क्षेत्री र भरत पौडेल, सहसचिवमा उपेन्द्र गुप्ता र नरेश भट्टराईलाई उम्मेदवार बनाइएको छ ।

प्रदेशसभा निर्वाचन क्षेत्र अन्तर्गत २(१) को क्षेत्रीय सभापतिमा कृष्णनारायण श्रेष्ठको उम्मेदवारी घोषणा भएको छ । क्षेत्रीय समितिको उपसभापतिमा बेगबहादुर पुन र भेषनारायण चौधरी, सचिवमा मकसुधन चौधर र देव भट्टराई तथा सहसचिवमा दीपेन्द्र चौधरी र रामचन्द्र सापकोटालाई उम्मेदवार बनाइएको छ ।

प्रदेश २(२) क्षेत्रीय सभापतिका लागि रामचन्द्रप्रसाद केवट (चन्दु), उपसभापतिमा रामकृपाल गिरी र विनोद गुप्ता, सचिवमा अनिता तिवारी र भण्डारी पासी, सहसचिवमा दीपक यादव र केदारनाथ यादव (पप्पु) लाई उम्मेदवार बनाइएको छ ।

कांग्रेसको प्रदेशसभा निर्वाचन क्षेत्रको मंसिर ३ गते र प्रतिनिधिसभा निर्वाचन क्षेत्रको मंसिर ६ गते अधिवेशन हुँदैछ ।

पश्चिम नवलपरासी कांग्रेसको महाधिवेशनमा वडा तहदेखि नै केन्द्रीय सदस्य कण्डेल र संविधानसभा सदस्य विक्रम खनाल पक्षबीच प्रतिस्पर्धा भइरहेको छ । खनाल पक्षले पनि उम्मेदवारी घोषणा गरिसकेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग