मुख्यमन्त्रीले राख्ने विश्वासको मतको विपक्षमा मतदान गर्ने कांग्रेससहित गठबन्धनको निर्णय
मुख्यमन्त्रीले राख्ने विश्वासको मतको विपक्षमा मतदान गर्ने कांग्रेससहित गठबन्धनको निर्णय
काठमाडौं – प्रदेश सभाको विपक्षी गठबन्धनले १ नम्बर प्रदेशको ५ दलीय विपक्षी गठबन्धनले मुख्यमन्त्री भीम आचार्यले पेश गरेको विश्वासको मत सम्बन्धी प्रस्तावको विपक्षमा मतदान गर्ने निर्णय गरेको छ ।
आईतवार विराटनगरमा बसेको विपक्षी गठबन्धनको बैठकले मुख्यमन्त्री आचार्यले पेश गरेको विश्वासको मतसम्बन्धी प्रस्तावमाथि मत विभाजन हुँदा विपक्षमा मतदान गर्ने निर्णय गरेको छ ।
गठबन्धनको बैठकले २ बुँदे निर्णय गर्दै विश्वासको मत सम्बन्धी प्रस्तावको विपक्षमा मतदान गर्ने, गठबन्धनमा रहेका दलहरुको सम्बन्धलाई सुदृढ गर्दै संस्कार र सम्बन्धलाई निरन्तरता दिने निर्णय गरेको प्रदेश सभामा नेपाली कांग्रेसका प्रमुख सचेतक केदार कार्कीले बताए । कार्कीले भने, ‘भोलिको प्रदेशसभा बैठकमा विश्वासको मतसम्बन्धी प्रस्तावको विपक्षमा मतदान गर्ने निर्णय भएको छ ।’
मुख्यमन्त्री आचार्यले कात्तिक ७ गते नै संसदबाट विश्वासको मत लिने तयारी गरेका छन् तर विपक्षी गठबन्धन भित्रको ठूलो दल नेपाली कांग्रेसले प्रधानमन्त्री शेरबहादुर देउवाको भ्रमणलाई कारण देखाएर संसद बैठक स्थगित गराएको थियो ।
प्रदेश सभामा कात्तिक १५ गते विश्वासको मतसम्बन्धी प्रस्तावमाथि छलफल र मत विभाजन गर्ने कार्यसूची रहेको छ ।
प्रदेश सभाका हाल कायम ९२ जना सांसदमध्ये सत्तारुढ नेकपा एमालेसँग सभामुखसहित ४१ सांसद छन् । विपक्षी गठबन्धनसँग ५० सांसद छन् । सत्ता जोगाउन मुख्यमन्त्री आचार्यलाई ४७ सांसदको समर्थन आवश्यक पर्ने देखिएको छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४