देउवाले भारतीय प्रधानमन्त्री मोदीसँग भेटवार्ता गर्ने
देउवाले भारतीय प्रधानमन्त्री मोदीसँग भेटवार्ता गर्ने
काठमाडौं - लामो प्रयासपछि प्रधानमन्त्री शेरबहादुर देउवा र भारतीय प्रधानमन्त्री नरेन्द्र मोदीबीच भेटवार्ता गर्ने टुंगो लागेको छ ।
स्कटल्यान्डको ग्लास्गो सहरमा जलवायु परिवर्तनसम्बन्धी राष्ट्रसंघीय खाका संरचना महासन्धि (यूएनएफसीसीसी) को २६औं सम्मेलन (कोप) मा देउवा र मोदीबीच भेटवार्ता हुने भएको हो ।
प–२६ कात्तिक १२–२६ मा हुँदै छ । प्रधानमन्त्री देउवा कात्तिक १३ गते गएर १७ गते स्वदेश फर्कने छन् । मोदीसँगको भेटकै लागि प्रधानमन्त्री कोप सम्मेलनमा जान लागेको स्रोतले बतायो ।
केपी ओलीलाई विस्थापित गरी देउवा प्रधानमन्त्री हुँदा पनि भारतीय प्रधानमन्त्री मोदीले बधाई दिएका थिएनन् । एक महिनापछि संसदबाट विश्वासको मत लिएपछि मात्र मोदीले देउवालाई फोन गरेर बधाई दिए ।
तर, पछिल्लो समय देउवा र भारत सरकारबीच सम्बन्ध प्रगाढ बन्दै गएको छ । केही दिनअघि मात्र कांग्रेसका तीन नेता डा.प्रकाशशरण महत, उदयशमशेर राणा र अजय चौरसिया भारत भ्रमणमा गएर फर्केका थिए ।
भ्रमणमा कांग्रेसको टोलीले भाजपाका राष्ट्रिय अध्यक्ष जेपी नड्डा, राष्ट्रिय महासचिव अरुण सिंह, विदेश विभाग प्रमुख चौथाइवाले र प्रचार विभागका पदाधिकारीहरूसहित उत्तर प्रदेशका मुख्यमन्त्री योगी आदित्यनाथसँग भेटवार्ता गरेको थियो ।
भारतीय जनता पार्टीका नेताहरू पनि नेपाल भ्रमणमा आउने गरेका छन् । त्यसले पनि देउवा र मोदीबीच सम्बन्ध सुधार हुँदै गएको हो । स्कटल्यान्डबाट फर्केको केही समयभित्रै भारतले प्रधानमन्त्री देउवालाई औपचारिक भ्रमणको निमन्त्रणा दिने बुझिएको छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४