काठमाडौं - यतिबेला नेपाली कांग्रेसका नेता कार्यकर्ता चुपचाप छन् । दशैंअघिसम्म कांग्रेसमा महाधिवेशनको उत्साह थियो ।

नेताहरूबीच आ–आफ्नो समूहलाई जिताउन भेटघाट र भेला हुने गर्थे । तर, अहिले आएर कांग्रेसमा सुनसान छ । कांग्रेसको महाधिवेशन गर्ने जिम्मेवारी पाएको निर्वाचन समितिले समेत यसबारे केही बोलेको छैन ।

अझै पनि रौतहट र रसुवा जिल्लामा क्रियाशील विवाद टुंगिन बाँकी छ । वडा र पालिका अधिवेशन हुन बाँकी रहेकामा सप्तरी, सिरहा, धनुषा, महोत्तरी, सर्लाही, रौतहट, बारा, पर्सा, रसुवा, बाँके, सुर्खेत, डोल्पा र कैलाली गरी १३ जिल्ला बाँकी छन् ।

ताप्लेजुङ, संखुवासभा, रामेछाप, दोलखा, गोरखा, मनाङ, मुस्ताङ, पूर्वी रुकुम, कालीकोट, मुगु, हुम्ला, बझाङ र बाजुरामा जिल्ला अधिवेशन सम्पन्न भइसकेको छ ।

वडा र पालिका तहको अधिवेशन भइसकेका ५१ जिल्लामा दशैं र तिहारको बीचमा जिल्ला अधिवेशन गर्ने सहमति भएको थियो । तर, अहिले कांग्रेसको संस्थापन र इतर पक्ष जिल्ला अधिवेशन गर्ने विषयमा बोल्नै चाहेको छैन । दुवै पक्षलाई आफ्नो प्रभाव कमजोर हुँदै गएको आभास भएको छ ।

कांग्रेसका तल्ला तहका अधिवेशनबाट युवा पुस्ता नेतृत्वमा आउन थालेको देखिएको छ । महाधिवेशन प्रतिनिधिमा पनि युवा पुस्ताकै वर्चस्व देखिने भएकाले पनि कांग्रेसको शीर्ष नेताहरू केन्द्रीय महाधिवेशन निर्धारित मितिमै गर्न डराइरहेका छन् ।

कांग्रेसका युवा नेता गगन थापा, प्रकाशमान सिंह, शेखर कोइरालालगायतका नेताहरू मात्र निर्धारित मितिमै महाधिवेशन हुनुपर्ने पक्षमा अभिव्यक्ति दिइरहेका छन् ।

संस्थापन र पौडेल समूह अझै पनि मंसिरमै महाधिवेशन गराउन उद्यत देखिएको छैन । सभापति शेरबहादुर देउवा सकेसम्म पुस अन्तिम नभए माघमा महाधिवेशन सार्ने पक्षमा देखिएका छन् ।

सोही कारण पनि केन्द्रीय निर्वाचन समितिका संयोजक महादेवप्रसाद यादवले तल्ला तहका अधिवेशनको कार्यतालिका सार्वजनिक गर्न चाहिरहेका छैनन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग