काठमाडौं – राष्ट्रिय प्रजातन्त्र पार्टी (राप्रपा) अध्यक्ष कमल थापाले नेपाली फूटबल टीमलाई बधाई दिएका छन् ।

आज आईतबार बिहान सामाजिक सञ्जाल ट्विटरमा लेख्दै अध्यक्ष थापाले साफ च्याम्पियनसिपमा दोस्रो स्थान हासिल गरेकोमा बधाई दिएका हुन् ।

अध्यक्ष थापाले लेखेका छन्, ‘दोस्रो स्थान हासिल गर्न सफल टीम नेपाललाई हार्दिक बधाई ! हामी गौरवान्वित छौं ।’

साफ च्याम्पियनसिप फूटबलमा फाइनलको यात्रा तय गरेको नेपाल भारतसँग पराजित हुँदै दोस्रो भएको छ । माल्दिभ्समा हिजो शनिबार सम्पन्न फाइनल खेलमा नेपाल भारतसँग ३–० गोलअन्तरले पराजित भएपछि उपविजेता बनेको हो ।

जीतसँगै भारतले आठौंपटक साफ च्याम्पियनसिपको उपाधि जित्ने कीर्तिमान बनाएको छ । फाइनल खेलको पहिलो हाफ गोलरहित बराबरीमा सकिए पनि दोस्रो हाफमा आक्रामक शुरूआत गरेको भारतले नेपालविरुद्ध ३ गोल गरेको थियो ।

कप्तान सुनिल क्षेत्री, सुरेश सिंह वाङजाम र साहल अब्दुल समादले १–१ गोल गर्दै भारतलाई जिताएका जनाइएको छ ।

भारतले खेलको ४९औं मिनेटमा सुनिलको गोलबाट अग्रता बनाएको हो भने खेलको ५० औं मिनेटमा सुरेशले गोल गर्दै भारतलाई २–० गोलको अग्रता दिलाएका थिए । खेलको इन्जुरी समयमा साहलले गोल गर्दै भारतलाई ३–० गोलले जिताएका हुन् ।

भारतसँगको हारसँगै नेपाल पहिलोपटक साफमा उपविजेता बन्न सफल भएको हो । ५ राष्ट्र सहभागी प्रतियोगितामा भारत लिगको शीर्ष स्थानमा रहँदै फाइनल खेलेको हो । नेपालले राउन्ड रोबिन लिगको दोस्रो स्थानमा रहेर फाइनल खेलेको थियो । नेपाल साफमा पहिलोपटक उपविजेता बनेको हो । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कम्युनिष्टबाट खतरा बढ्यो, दक्षिणपन्थी गठबन्धन बनाउँ : कमल थापा

कमल थापाको कसरत : साँच्चै राजतन्त्र फर्किएला ? 

‘गाई’ छाडेपछि राप्रपामा रुवाबासी

राप्रपा अध्यक्ष थापा अस्पताल भर्ना, कस्तो छ स्वास्थ्य अवस्था ?

एकपटक फेरि नेपाली जनताले मुलुकको राजनीतिक यात्रा र गन्तव्यका बारेमा पुनर्विचार गर्नु जरुरी भएको छ

'कम्युनिष्ट बिग्रेपछि अत्यन्त दुर्गन्धित हुन्छ, टाढा-टाढासम्म गन्हाउँछ'