यसकारण बालुवाटारमा देउवासँग बटारिएका रहेछन् माधव नेपाल
यसकारण बालुवाटारमा देउवासँग बटारिएका रहेछन् माधव नेपाल
काठमाडौं - अन्ततः पार्टी गठन भएको डेढ महिनामै नेकपा (एकीकृत समाजवादी) सरकारमा सामेल हुने भएको छ । सरकारमा माधवकुमार नेपाल नेतृत्वको एकीकृत समाजवादीले चार मन्त्री र एक राज्यमन्त्री पाएको छ ।
एमाले अध्यक्ष केपी ओली सत्ताबाट बहिर्गमन भएको डेढ महिनामै माधव नेपालको पार्टी सत्तायात्रामा सहभागी हुँदैछ । एमालेले केन्द्र र प्रदेशमा सरकारको नेतृत्व गुमाउने क्रम जारी छ तर त्यही एमाले विभाजन भई बनेको एकीकृत समाजवादी पार्टीले भने केन्द्र सरकारमा सहभागिता र प्रदेश सरकारमा नेतृत्व लिने अवसर पाउने भएको छ ।
केन्द्र सरकारको मन्त्रालयको भागबन्डा टुंगो लगाउन बिहीबार बालुवाटारमा गठबन्धन दलको शीर्ष नेताको बैठक बसेको थियो । बैठकमा प्रधानमन्त्री शेरबहादुर देउवा र एकीकृत समाजवादीका अध्यक्ष माधव नेपालबीच घोचपेच चलेको थियो ।
संघमा जम्मा चार मन्त्रालय मात्र दिइएको भन्दै उनी कड्किएका थिए । आफ्नो पार्टीले विकासे मन्त्रालय नपाएको भन्दै उनी उफ्रेपछि कांग्रेसले स्वास्थ्य मन्त्रालय गुमाएको छ । जसकारण कांग्रेसको इज्जत धानेका स्वास्थ्य राज्यमन्त्री उमेश श्रेष्ठ सत्ताबाट बाहिरिने अवस्थामा पुगेका छन् ।
माधव नेपाल कड्किएपछि देउवा र माओवादी केन्द्रका अध्यक्ष पुष्पकमल दाहाल प्रचण्डले प्रदेश १ र बागमती प्रदेशमा सरकारको नेतृत्व गर्न दिन सकिने भन्दै थामथुमको प्रयास गरेका थिए ।
प्रदेशमा सरकारको नेतृत्व पाउने आश्वासन पाएपछि उनी दंग देखिँदै बालुवाटारबाट बाहिरिएको स्रोतले बतायो ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४