काठमाडौं – प्रधानमन्त्री शेरबहादुर देउवा नेतृत्वको सरकारले धितोपत्र बोर्डका अध्यक्ष भीष्मराज ढुंगानालाई बर्खास्त गरेको छ ।

आज मंगलवार बसेको मन्त्रिपरिषद् बैठकले सर्वोत्तम सिमेन्टको शेयर कारोबार प्रकरणमा मुछिएका ढुंगानालाई बर्खास्त गरेको हो ।

यसअघि अर्थ मन्त्रालयको निर्णयबाट निलम्बनमा परेका ढुंगानालाई असोज ११ गतेको मन्त्रिपरिषद् बैठकले स्पष्टीकरण सोधेको हो । सरकारले ढुंगानाको स्पष्टीकरण चित्तबुझ्दो नभएको भन्दै बर्खास्त गरेको छ ।

सरकारले पछि झमेला हुनसक्ने भन्दै सबै कानूनी प्रक्रिया पूरा गरेर नै ढुंगानालाई बर्खास्त गरेको स्रोतले जनाएको छ ।

ढुंगाना बूक बिल्डिङमार्फत सर्वसाधारणलाई साधारण शेयर बिक्री खुलाउने तयारीमा रहेको सर्वोत्तम सिमेन्टको शेयर खरिद प्रकरणमा मुछिएका हुन् ।  बोर्डको अध्यक्षमा रहँदा उनले छोरी रेबिका ढुंगानाको नाममा कम्पनीको शेयर खरिद गरेको तथ्य बाहिरिएपछि विवादित बनेका थिए ।

ढुंगानासहित सर्वोत्तम शेयर खरिद प्रकरणमा नेपाल स्टक एक्सचेन्ज (नेप्से) का तत्कालीन प्रमुख कार्यकारी अधिकृत चन्द्रसिंह साउँद समेत मुछिएका हुन् तर साउँदले पदबाट राजीनामा दिइसकेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कोरोना महामारीका बेला शेरबहादुर देउवाको माग : ‘एमसीसी पारित हुनुपर्छ’

शेरबहादुर देउवालाई तत्कालै चाहियो एमसीसी, पार्टी बैठकमा यस्तो बोले !

कम्युनिस्टको मुखमा बुझो लगाउने गरी बोले देउवा, भ्रमको खेती नगर्न चेतावनी

देउवालाई भेट्न नेम्वाङ पुगे बुढानिलकण्ठ, के पाक्दैछ खिचडी ?

नेकपा फुटको संघारमा रहेको बेला ओली समुहलाई देउवाले दिए यस्तो जवाफ