कांग्रेस जितेको वडामा ४ वर्षपछि आगामी कात्तिक ७ गते पुनः मतगणना गरिँदै
कांग्रेस जितेको वडामा ४ वर्षपछि आगामी कात्तिक ७ गते पुनः मतगणना गरिँदै
काठमाडौं – स्थानीय तह निर्वाचन भएको ४ वर्षपछि आगामी कात्तिक ७ गते महोत्तरीको मनरा शिसवा नगरपालिका वडा नम्बर १० मा पुनः मतगणना गरिने भएको छ ।
उच्च अदालतले दिएको आदेशलाई सर्वोच्च अदालतले सदर गर्दै पुनः मतगणनाको फैसला गरेको छ ।
वडा नम्बर १० मा पुनः मतगणना गर्न उच्च अदालत जनकपुरका न्यायाधीशद्वय हरिप्रसाद बगाले र रामेश्वर रेग्मीको संयुक्त इजलासले आदेश दिएको थियो, जसलाई सर्वाेच्च अदालतले सदर गरिदिएको छ ।
अदालतको २०७५ असार २१ गतेको आदेशअनुसार विवादित विषयको दोहोर्याएर मतगणना गर्न आगामी २०७८ कार्तिक ७ गते बिहान ११ बजेदेखिको समय तोकिएको छ । त्यहाँ २०७४ असोज २ गते भएको स्थानीय तहको निर्वाचन भएको थियो ।
तत्कालीन राष्ट्रिय जनता पार्टी (राजपा) नेपालले टिकट नदिएपछि स्वतन्त्रबाट उम्मेदवारी दिएका रमेशकुमार रायले ६७ मत ल्याएका थिए भने नेपाली कांग्रेसका अरुणकुमार चौधरीको समेत ६७ मत आएको थियो । दुवै जनाको ६७/६७ मत भएपछि गोलाप्रथाको माध्यमबाट अरुण चौधरीलाई वडाध्यक्ष निर्वाचित गरिएको थियो ।
चुनाव हारेपछि उम्मेदवार रमेश रायले अदालतमा मुद्दा दिएका थिए । मुद्दाको हकमा उच्च अदालतले २०७५ असार २१ गते १५ दिनभित्र पुनः मतगणना गर्न आदेश दिएको थियो । उच्च अदालतको आदेशपछि अरुणकुमार चौधरी सर्वोच्चसम्म पुगेका थिए । सर्वोच्चले मुद्दाको सुनुवाइ गर्दै २०७७ चैत ६ गते उच्च अदालत जनकपुरको आदेशलाई सदर गरिदिएको छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४