काठमाडौं – सत्तारुढ दल नेपाली कांग्रेसमा १४औं महाधिवेशनको उल्लास रहेका बेला रामेछापमा कांग्रेसमा दुःखद घटना भएको छ ।

गाउँ/नगर अधिवेशनका लागि काठमाडौंबाट रामेछाप जाँदै गरेको प्रदेश नम्बर ३–०१०२४ च.१४४० नम्बरको बोलेरो जीप दुर्घटना हुँदा १ जनाको मृत्यु भएको जिल्ला प्रहरी कार्यालय रामेछापका प्रहरी प्रमुख प्रहरी नायव उपरीक्षक (डीएसपी) नवराज ढुंगानाले बताएका छन् ।

शनिबार साँझ सुनापति गाउँपालिका–४ बेथानस्थित पानीघाट सिरान जंगलमा गाडी दुर्घटना हुँदा कांग्रेस रामेछापका उपसभापति जितेन्द्र मोक्तानसहित ५ जना घाइते भएका छन् । उनले भने, ‘घाइतेमध्ये वर्ष ४६ की शारदा खत्रीको मृत्यु भएको खबर धुलिखेल अस्पतालले दिएको छ ।’

खत्री हालै सुनापतिबाट क्षेत्रीय प्रतिनिधिमा निर्वाचित भएकी थिइन् । उनी महाधिवेशन प्रतिनिधि बन्ने तयारीमा रहेका बेला दुर्घटनामा परेकी छन् ।

रामेछापको गाउँ/नगर अधिवेशन आईतबारका लागि तोकिएको र काठमाडौंबाट हिलेदेवीतर्फ जाने क्रममा दुर्घटना भएको प्रहरीले जनाएको छ ।

घाइते हुनेमा सुनापति गाउँपालिका–३ हिलेदवी निवासी जितेन्द्र मोक्तान, मेघबहादुर खत्री, जयप्रकाश गौतम र चालक रामकुमार लामा छन् । घाइते ४ जनाको अवस्था मध्यम रहेको प्रहरीले जानकारी दिएको छ । धुलिखेल अस्पतालमा उपचार भइरहेको कांग्रेस रामेछापले जनाएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग