आइतवार, आश्विन ३१ २०७८Oct 17 2021

Logo
images
images
images

कहिले हुन्छ कांग्रेसको वडा र पालिका अधिवेशन ? 

कहिले हुन्छ कांग्रेसको वडा र पालिका अधिवेशन ? 

  • मिडिया डबली
  • बिहिवार, आश्विन ७ २०७८

  • 1.6K
    SHARES

  • कहिले हुन्छ कांग्रेसको वडा र पालिका अधिवेशन ? 

    काठमाडौं – सत्तारुढ दल नेपाली कांग्रेसले महाधिवेशन कार्यतालिका फेरि संशोधन गर्ने भएको छ ।

    बुधवार बसेको कांग्रेस पदाधिकारी बैठकले १३ जिल्लामा वडा अधिवेशन गर्न बाँकी भएपछि कार्यतालिकामा फेरि संशोधन गर्ने सहमति गरेको छ ।

    images

    सहमतिअनुसार अब १३ जिल्लाको वडा अधिवेशन असोज ९ गतेपछि हुनेछ । ती जिल्लामा देखिएको क्रियाशील सदस्यता विवाद टुंगाएर मात्रै वडा अधिवेशन गर्ने सहमति जुटेको छ । 

    १३ जिल्लामा पालिका तह अधिवेशन पनि दशैंअघि मात्रै हुने छन् तर वडा अधिवेशन सम्पन्न भइसकेका ६४ जिल्लामा असोज ९ गतेमै पालिका अधिवेशन हुनेछ ।

    कांग्रेस वरिष्ठ नेता रामचन्द्र पौडेलले १३ जिल्लामा बाहेक वडा अधिवेशन सम्पन्न भएका ६४ जिल्लामा असोज ९ गतेमा नै पालिका अधिवेशन गर्ने र बाँकी १३ जिल्लामा दशैंअघि पालिका तहका अधिवेशन सम्पन्न गर्ने सहमति भएको बताए ।

    कांग्रेस पूर्व महामन्त्री प्रकाशमान सिंहले दशैंअघि ७७ जिल्लामा नै पालिका अधिवेशन गर्ने सहमति भएको बताएका छन् ।

    उनका अनुसार त्यसपछिका घोषित कार्यतालिका परिमार्जन हुने जनाइएको छ । निर्वाचन समिति संयोजक महादेवप्रसाद यादवले समितिले वडा अधिवेशन गर्न बाँकी १३ जिल्लामा मात्रै अधिवेशन मिति सार्न सुझाएको बताए । उनले वडा अधिवेशन सम्पन्न भइसकेका जिल्लामा बाँकी तहका अधिवेशन गर्न निर्वाचन समिति तयार रहेको जानकारी दिए ।

    यसअघि पछिल्लो पटक गत असोज ५ गतेका लागि वडा अधिवेशन हुन बाँकी २० जिल्लामा मिति तोकिएको थियो तर यसबीच ७ जिल्लाको मात्रै क्रियाशील सदस्यता सार्वजनिक भएपछि ती जिल्लामा भने अधिवेशन भएको छ । बाँकी १३ जिल्लामा वडा अधिवेशन बाँकी छ । ती जिल्लाका क्रियाशील सदस्यता नामावली अझै सार्वजनिक गरिएको छैन ।

    कांग्रेसले यसअघि पहिलो चरणमा ५७ जिल्लामा वडा अधिवेशन सम्पन्न गरेको छ । कांग्रेस वडा अधिवेशन गत भदौ १८ गतेमा तोकेको थियो तर सो मितिमा प्रक्रिया मात्रै सुरू भएको थियो । त्यसपछि ७ जिल्लामा असोज ५ गते अधिवेशन भएको छ ।

    अब २ नम्बर प्रदेशका ८ जिल्ला तथा सुर्खेत, डोल्पा, रसुवा, बाँके र कैलाली गरी १३ जिल्लाको क्रियाशील सदस्यता विवरण कांग्रेसले पार्टीको वेबसाइटमा सार्वजनिक गर्न बाँकी छ । कांग्रेसले यसअघि महाधिवेशनअन्तर्गत गाउँ/नगरपालिका अधिवेशन असोज ९ गते, प्रदेशसभा क्षेत्रीय अधिवेशन असोज १२ गते र प्रतिनिधिसभा क्षेत्रीय अधिवेशन–एकमात्र प्रतिनिधिसभा निर्वाचन क्षेत्र भएको जिल्ला अधिवेशन असोज १५ गतेका लागि तय गरेको छ ।

    एकभन्दा बढी प्रतिनिधिसभा निर्वाचन क्षेत्र भएको जिल्ला अधिवेशन असोज १८ गते, प्रदेश अधिवेशन कात्तिक १०–१२ गते र केन्द्रीय महाधिवेशन आगामी मंसिर ९–१३ गतेसम्म तय गरेको छ । आजको राजधानी दैनिकमा समाचार प्रकाशित छ ।

    मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

    शनिवार, बैशाख २७ २०७७०२:१६:१७
    ट्रेन्डिङ
    Logo
    • डबली नेटवर्क्स प्रा.लि, अनामनगर, काठमाडौँ

    • फोन नम्बर :९८०११२३३७१
    • [email protected]
    • वेबसाईट: www.mediadabali.com
    • सूचना विभाग दर्ता नं.::१८१/ ०७३ -०७४
    • प्रधान सम्पादक

    • कृष्ण प्रसाद पहाडी
    • सम्पादक

    • शोभाकान्त सापकोटा
    • साइट

    • बिनोद भट्टराई
    • क्यामरा पर्सन

    • सुनिल क्षेत्री
    • संवाददाताहरु

    • निर्मला पौडेल
    • अमृत चापागाई
    • अर्जुन पहाडी
    • खिमबहादुर गौतम
    • आकृति थापा क्षेत्री

    Copyright © All right reserved to Dabali Networks P. LTD. Site By: SobizTrend Technology